વિદેશી ગર્ભવતી મહિલાઓને અમેરિકા આવતી રોકવા માટેના આયોજનનો હવે ટ્રંપ સરકારે અમલ કરી દીધો છે . અમેરિકી સરકારે જાહેરાત કરી દીધી છે કે, અન્ય દેશોમાંથી આવતી ગર્ભવતી મહિલાઓને ટેમ્પરરી વિઝીટર વિઝા આપવામાં આવશે નહીં. તો શા માટે અમેરિકાને બર્થ ટુરિઝમ પર પ્રતિબંધ મૂકવાની પડી ફરજ અને આનાથી ગર્ભવતી મહિલાઓની અમેરિકી યાત્રા હવે કઈ રીતે બની શકે છે મુશ્કેલ તે ખરેખર રસપ્રદ છે.
ટ્રંપ સરકારે લીધો મોટો નિર્ણય
ગર્ભવતી મહિલાઓને ટેમ્પરરી વિઝીટર વિઝા પર પાબંધી
રાષ્ટ્રીય સુરક્ષા નીતિને કારણે કરાયો નિર્ણય
ભારત જેવા વિકાશશીલ દેશના નાગરિકો હોય કે ત્રીજા વિશ્વના વિકસતાં રાષ્ટ્રોના નાગરિકો હોય, આજે હરકોઈને અમેરિકા જઈને વસવાની અદમ્ય ઈચ્છા હોય છે. કેમકે આજે પણ અનેક લોકોના મનમાં ડોલરથી ચમકતી સ્વર્ગભૂમિ એવા અમેરિકા તરફ ભારે આકર્ષણ છે. આથી જ તો કોઈ જોખમી માર્ગેથી અમેરિકામાં પ્રવેશી રહ્યું છે તો કોઈ જીવતરની કમાણી એજન્ટોને ફીસ તરીકે સોંપીને અમેરિકા જવા આતુર છે. કારણ એટલુ જ કોઈને ડોલર કમાઈ લેવા છે તો કોઈને અમેરિકાનું નાગરિક બની જવું છે.
અમેરિકાએ સખત વલણ અપનાવવાની શરૂઆત કરી
પરંતુ હવે અમેરિકામાં કોઈપણ બહાના હેઠળ ઘૂસવા માગતા નાગરિકો પર અમેરિકાએ સખત વલણ અપનાવવાની શરૂઆત કરી દીધી છે. અમેરિકાએ રાષ્ટ્રીય હિતની સુરક્ષા માટે પોતાના દેશમાં વિદેશી નાગરિકોની આવનજાવ પર કેટલાક પ્રતિબંધો મૂકી દીધા છે. આપને જણાવી દઈએ કે,અન્ય દેશોની ગર્ભવતી મહિલાઓને અમેરિકા આવતી રોકવા માટે અમેરિકામાં ઘણા સમયથી પ્લાનિંગ થઈ રહ્યું હતું. ત્યારે હવે ટ્રંપ સરકારે આ પ્લાનિંગ પર અમલીકરણ શરૂ કરી દીધું છે.
શું છે બર્થ ટુરિઝમ
અમેરિકાએ એ જાહેરાત કરી દીધી છે કે, બીજા દેશોમાંથી આવતી ગર્ભવતી મહિલાઓને ટેમ્પરરી વિઝિટર બી-1 અને બી-2 વિઝા આપવામાં આવશે નહીં...અમેરિકાએ હવે આ નિયમ હેઠળના બર્થ ટુરિઝમ પર પ્રતિબંધ મૂકી દીધો છે. જે મહિલાઓ માત્ર બાળકોને અમેરિકાની ધરતી પર જન્મ અપાવવાની ઈચ્છા ધરાવતી હતી તેમની ઈચ્છાઓ પર ઠંડુ પાણી રેડાઈ ગયું છે... આપને સવાલ થતો હશે કે, અમેરિકાએ શા માટે બર્થ ટુરિઝમ પર પ્રતિબંધ મૂકવાની જરૂર પડી? પરંતુ તે પહેલા બર્થ ટુરિઝમ એ શું છે તેના પર એક નજર કરી લઈએ
અમેરિકામાં બી-1 અને બી-2 વિઝા હેઠળ બર્થ ટુરિઝમને પ્રોત્સાહન અપાયું હતું
બર્થ ટુરિઝમ ઉદ્યોગ અમેરિકામાં ખૂબ ફૂલ્યો ફાલ્યો છે
આ માટે અનેક અમેરિકી કંપનીઓ જાહેરાતો પણ આપે છે
અનેક દેશોની ગર્ભવતી મહિલાઓ અમેરિકામાં પ્રસૂતિ કરાવવા જતી હતી
કંપનીઓ હોટલ, ચિકિત્સાસુવિધા માટે 80હજાર ડોલર ફી વસૂલે છે
ઓપરેટરો પણ પ્રતિ એક મહિલા પાસેથી 1 લાખ ડોલર વસૂલે છે
રાષ્ટ્રીય સુરક્ષા નીતિ સામે ટકરાવની સ્થિતિ પેદા થઇ
અમેરિકાને બર્થ ટુરિઝમ નીતિના કારણે આવક તો ઘણી થતી હતી. પરંતુ તેમ છતાં આ નીતિ અમેરિકાની રાષ્ટ્રીય સુરક્ષા નીતિ સામે ટકરાવની સ્થિતિ પેદા કરતી હતી. તો આપને જણાવી દઈએ કે આ માટે ઘણા એવા કારણો છે જે ઘણા વર્ષોથી અમેરિકા માટે મુશ્કેલીનું કારણ બન્યા હતા. આથી અમેરિકાઓ બર્થ ટુરિઝમ પર પ્રતિબંધ મૂકવાની જરૂર પડી છે. અમેરિકાએ આ માટે બર્થ ટુરિઝમ પર પ્રતિબંધ મૂકવાની જરૂર પડી છે.
બર્થ ટુરિઝમ નીતિથી અમેરિકાને નુકસાન
અમેરિકાને મોડે મોડે બર્થ ટુરિઝમ નીતિથી થયેલા રાષ્ટ્રીયનુકસાન તરફ ધ્યાન ગયું છે. હવે અમેરિકા પોતાની જન્મસિદ્ધ નાગરિકતા અધિકારની નીતિને સમાપ્ત કરવા માગે છે. હવે નવો નિયમ લાગુ થતાં ગર્ભવતી મહિલાઓએ વીઝા મેળવવા માટે કાઉન્સિલર ઓફિસરને સમજાવું પડશે કે અમેરિકા જવા પાછળ બાળકના જન્મ સિવાયનું પણ અન્ય કારણ છે. આપણા દેશમાં નાગરિકતાના કાયદાના વિરોધમાં રસ્તા પર ઉતરી રહેલા લોકોએ એ પણ જાણવું જોઈએ અમેરિકા જેવો એક શક્તિશાળી દેશ પણ પોતાની રાષ્ટ્રીય સુરક્ષાનું કઈ રીતે રક્ષણ કરી રહ્યો છે.