ત્રાસ / 2020માં કોરોનાની સાથે સાથે ગુજરાતીઓનો આ માથાનો દુઃખાવો વધ્યો, સૌથી વધુ કૉલ ગુજરાતમાં આવ્યાં

2019માં ભારત સરેરાશ યુઝરને આવતા સ્પામ કોલ્સની સંખ્યામાં 5માં સ્થાને હતું. આ વર્ષે આ આંકડામાં સુધારો થયો છે. ભારત હવે સ્પામ કોલ્સની સંખ્યામાં વિશ્વમાં 9માં સ્થાને આવે છે. આ પૈકી દેશમાં વપરાશકર્તા દીઠ સરેરાશ સૌથી વધુ સ્પામ કોલ્સ ગુજરાત રાજ્યમાં આવે છે.  

આ છે ટોચના દેશોની યાદી

જો કે સ્પામ કોલ્સમાં 34% ઘટાડો થયો હોવા છતાં ભારત હજુ વિશ્વના ટોચના 10ના સૌથી વધુ સ્પામ કોલ્સ આવતા દેશોમાં છે. આ યાદીના અન્ય દેશ અમેરિકા, હંગેરી, પોલેન્ડ, સ્પેન, ઇન્ડોનેશિયા. UK, યુક્રેન, ચીલી જેવા દેશોનો સમાવેશ થાય છે.

આંકડા ઘટવાનું મુખ્ય કારણ લોકડાઉન ગણવામાં આવે છે

અહેવાલમાં લખવામાં આવ્યું છે કે ભારતમાં આવતા 98.5% સ્પામ કોલ સ્થાનિક નંબરો છે. 2020ના શરૂઆતના મહિનાઓમાં લાદેલા કડક લોકડાઉનને કારણે સ્પામ કોલ કરતા લોકો તેમની ઓફિસ જઈ શકતા નહોતા. આ કારણથી આ વર્ષે ભારતમાં સ્પામ કોલ્સની સંખ્યા ઘટી છે તેવું માનવામાં આવે છે. 

દેશમાં ઇમર્જન્સી સર્વિસીસને કોન્ટેક્ટ કરવાની સંખ્યા વધી

આ આંકડાઓની સામે ભારતમાં લોકડાઉનની શરૂઆતના 3 મહિનામાં ઇમર્જન્સી સર્વિસીસને કોન્ટેક્ટ કરવાની સંખ્યામાં જંગી 148% જેટલો વધારો થયો છે.   

 TrueCallerના 18 કરોડ યુઝર ભારતીયો

સ્વીડિશ કંપની TrueCaller યુઝર્સને જે તે નંબર કોની માલિકીનો છે તે તેમાં ડેટાબેઝ પ્રમાણે જણાવવાની સેવા આપે છે. તેના વૈશ્વિક 25 કરોડ વપરાશકર્તા છે. આ પૈકી જંગી હિસ્સો એટલે કે 18 કરોડ વપરાશકર્તાઓ ભારતીય છે. 

કયા સેક્ટરમાંથી કેટલા ટકા ફોન આવે છે?

દેશમાં ટોચના સ્પામ કોલ્સ એટલે કે લગભગ 52% સ્પામ કોલ્સ અલગ અલગ ઓફરો અને રિમાઇન્ડર તરીકે આવે છે. બીજા નંબરે 34% સ્પામકોલ ટેલિમાર્કેટિંગના આવે છે. ત્રીજા નંબરે 9% કોલ છેતરપિંડી કરનારાઓના આવે છે. ચોથા નંબરે નાણાકીય સેવા આપનારાઓના 5% સ્પામકોલ આવે છે.

આ રાજ્યોમાં દેશમાં સૌથી વધુ સ્પામ કોલ્સ આવે છે 

ગુજરાત રાજ્યમાં 2020માં સૌથી વધુ સ્પામ કોલ્સ આવ્યા હતા. બીજા નંબરે મહારાષ્ટ્રમાં સૌથી વધુ સ્પામ કોલ્સ આવ્યા હતા. ત્રીજો નંબર આંધ્રપ્રદેશનો હતો.