અમદાવાદ-વડોદરા એક્સપ્રેસ હાઈવે પર એક ટ્રકમાં અચાનક આગ લાવાની ઘટના બની છે. ચાલું ટ્રકમાં આગ લાગવાની ઘટના બન્યા પછી એક્સપ્રેસ વે પર વાહનનો થંભી ગયા હતા.
આ ટ્રક કડીથી સુરત તરફ જઈ રહ્યો હતો ત્યારે નડિયાદથી 3 કિલોમીટર દૂર એક્સપ્રેસ હાઈવે પર અચાનક સળગવા લાગ્યો હતો. આગની ઘટના બન્યા પછી એક્સપ્રેસ વે પર અમદાવાદથી વડોદરા જતા વાહનોને થોભાવી દેવામાં આવ્યા હતા.
પ્રાથમિક માહિતી પ્રમાણે ટ્રકનું ટાયર ફાટી ગયા પછી ટ્રક અચાનક આગની ચપેટમાં આવી ગયો હતો અને તેમાં પશુઓનો આહાર ભર્યો હોવાથી તે જલ્દીથી આગની ચપેટમાં આવી ગયો અને રસ્તાની વચ્ચોવચ્ચ ટ્રક સળગવા લાગ્યો હતો.
બનાવની જાણ થતાં ફાયરબ્રિગેડની ટીમે બનાવના સ્થળ પર પહોંચીને ટ્રકની આગને કાબૂમાં લઈ લીધી છે.