Video: લીંબડી-ધંધુકા હાઇવે પર ટ્રક પલટી, લોકોએ શાકભાજી લેવા કરી પડાપડી

સુરેન્દ્રનગરના લીંબડી-ધંધુકા હાઈવે પર ઉટડી બ્રિજ પાસે ચોંકાવનારા દ્રશ્યો સામે આવ્યા હતા. બ્રિજ પાસેથી એક ટ્રક પસાર થઈ રહ્યો હતો. આ ટ્રકમાં શાકભાજી ભરેલા હતા. ડ્રાઈવરે સ્ટેયરિંગ પરથી કાબૂ ગુમાવતા ટ્રક પલટી ગઈ હતી. જેથી શાકભાજી માર્ગ પર ઢોળાઈ ગયું હતું.

તો બીજી તરફ લોકોએ શાકભાજી લેવા માટે પડાપડી કરી હતી. સદનસીબે આ અકસ્માતમાં કોઈ જાનહાનિ થઈ ન હતી. પરંતુ લોકોએ ડુંગળી સહિતના શાકભાજીની આખે આખી બોરી લઈને ભાગી રહ્યા હતા.

અહીં જોવાનું એ છે કે ટ્રક ચાલકને મદદ કરવાના બદલે લોકોએ શાકભાજીની લૂંટ ચલાવી હતી. ત્યારે આ મામલે પોલીસે પણ તપાસ હાથ ધરી છે.