કૌભાંડ / TRP Scam મુદ્દે BARC Indiaએ આ ન્યૂઝ ચેનલોના રેટિંગ પર લગાવ્યો 12 અઠવાડિયાનો પ્રતિબંધ

• કેટલીક ચેનલો ટીઆરપીના રેટની સંખ્યામાં હેરફેર કરી રહી છે
• આ સ્કેમ હેઠળ 4 લોકોની ધરપકડ થઈ ચૂકી છે
• રિપબ્લિક ટીવી અને 2 મરાઠી ચેનલોએ ટીઆરપીમાં હેરફેર કરી છે.

કથિત બનાવતી TRP સ્કેમ ત્યારે બહાર આવ્યું જ્યારે રેટિંગ એજન્સીએ બ્રોડકાસ્ટ ઓડિયન્સ રિસર્ચ કાઉન્સિલ (BARC)ને ‘હંસા રિસર્ચ ગ્રુપ’ માર્ફતે ફરિયાદ નોંધાવી કહ્યું કે કેટલીક ચેનલો ટીઆરપીના રેટની સંખ્યામાં હેરફેર કરી રહી છે.

ઉલ્લેખનીય છે કે મુંબઈ પોલીસે દાવો કર્યો છે કે રિપબ્લિક ટીવી અને 2 મરાઠી ચેનલોએ ટીઆરપીમાં હેરફેર કરી છે. આ સ્કેમ હેઠળ 4 લોકોની ધરપકડ થઈ ચૂકી છે. જેમાં 2 મરાઠી ચેનલોના માલિકનો સમાવેશ થાય છે. રિપબ્લિક ટીવીના મુખ્ય નાણા અધિકારી શિવ સુબ્રમણ્યમ સુંદરમ અને સિંહ પોલીસ સામે હાજર થવાથી ઈન્કાર કરી દીધો અને રાહત માટે સુપ્રીમ કોર્ટનો દરવાજો ખખડાવ્યો છે.

બાર્ક બ્રોડકાસ્ટ ઓડિયન્સ રિસર્ચ કાઉન્સિલ (BARC) ઈન્ડિયા નામની એક સંયુક્ત ઉદ્યોગ ઉપક્રમ છે જેને પ્રસારણકર્તા  (IBF), જાહેરખબર આપનાર (ISA) અને વિજ્ઞાપન તથા મીડિયા એજન્સી (AAAI)નું પ્રતિનિધિત્વ કરનાર સ્ટોક હોલ્ડર નિધિબદ્ધ કરે છે. જે દુનિયામાં સૌથી મોટા ટેલિવીઝન મેનેજમેન્ટ નિકાસ છે. BARC India 2010માં શરુ થયું જેની મુખ્ય ઓફિસ મુંબઈમાં છે.