હેલ્થ / દૂબળા શરીરથી પરેશાન છો? તો કરી લો આ કામ થઇ જશો ભરાવદાર

• વજન વધારવા કરો આ ડાયટ ફૉલો
• શરીરમાં ચરબી હોવી જરૂરી છે 
• દુધ અને કેળા ખાવાથી થશે ફાયદો

ખરેખર સ્વાસ્થ્યની દૃષ્ટિથી શરીરમાં થોડીક માત્રામાં ચરબી પણ જરૂરી છે. બીજી બાજુ જો પર્સનાલિટી તરીકે જોઈએ તો વધુ પાતળાપણું તમારી અંદરના આત્મવિશ્વાસને ઘટાડે છે. જો તમે વધારે પાતળા હોવાના કારણે પણ પરેશાન છો અને વજન વધારવા માગો છો તો તમારે તમારા આહારમાં ફેરફાર કરી કેટલીક વસ્તુઓ સામેલ કરવી જોઇએ.

દૂધ અને કેળાં
દૂધ અને કેળાં વજન વધારવા માટે સૌથી અસરકારક માનવામાં આવે છે. તમારે તેને સવારે ખાલી પેટ ખાવાં જોઈએ. આ માટે તમે બેથી ત્રણ કેળાં દૂધમાં કાપીને ખાઈ શકો છો. જો તમારે આમ ન કરવું હોય તો પહેલાં કેળાં ખાઓ, પછી તરત જ તેના ઉપર દૂધ પીઓ. લગભગ એક મહિના સુધી આમ કરો. ફરક દેખાશે.

બટાકા ખાઓ
વજન ઓછું કરવા માટે લોકો બટાકા ખાવાનું છોડી દે છે. તેનાથી વિપરીત વજન વધારવા માટે તમારે તમારા આહારમાં બટાકા સામેલ કરી શકો છો. તે શાકભાજીમાં અથવા ઉકાળીને ખાઈ શકાય છે, તેમાં કાર્બોહાઈડ્રેટ અને જટિલ ખાંડ હોય છે, જે વજન વધારવામાં અસરકારક છે.

ભાત ખાઓ
જો તમે ઝડપથી તમારું વજન વધારવા માગતા હો તો ચોક્કસપણે તમારા આહારમાં ભાત સામેલ કરો. ભાતને બાફી, પુલાવ બનાવી, બિરયાની બનાવી અથવા ખીર બનાવી પણ ખાઈ શકાય છે. ચોખામાં પૂરતી કેલરી હોય છે, જે વજન વધારવા તરફ દોરી જાય છે.

ઘી અને ખાંડ પણ ખાઈ શકાય
વજન વધારવા માટે તમે આહારમાં દેશી ઘી અને ખાંડનો ઉપયોગ કરી શકો છો. તમે તેમનો ઉપયોગ જુદી જુદી રીતે કરી શકો છો, પરંતુ જો તમે ઇચ્છો તો ઘી અને ખાંડ એકસાથે ખાઈ શકો છો, તેને રોટલીમાં લગાવી શકો છો.

માખણ અને સૂકાં ફળ
આહારમાં માખણ અને સૂકાં ફળનો પણ સમાવેશ કરો. તમે બદામ, પિસ્તા, અખરોટ જેવાં ડ્રાય ફ્રૂટ્સ પણ ખાઈ શકો છો, પરંતુ કાજુનો વિશેષ વપરાશ કરી શકો છો. તે વજન વધારવામાં મહત્ત્વપૂર્ણ ભૂમિકા ભજવે છે.