વચ્ચેથી ભણતર છોડીને આ રીતે બન્યો કરોડપતિ ગુજરાત પોલીસ પણ લે છે મદદ

સામાન્ય રીતે વધારે ભણનારો વ્યકિત સફળતાની ઉંચાઇ સુધી પહોંચે છે પરંતુ આજે અમે તમને એક એવા વ્યકિત વિશે જણાવી રહ્યા છે જેણે સ્કૂલ દરમિયાન અભ્યાસ છોડી દીધો હતો. આ વ્યકિતનું નામ ત્રિશનીત અરોરા છે જે સાઇબર સિક્યોરિટી એક્સપર્ટ છે. હાલમાં જ તેણે ફોર્બ્સની ‘એશિયા 30 અંડર 30’માં આવી ગયો છે. 25 વર્ષનો ત્રિશનીત અરોડા પોતાની સાબઈર સિક્યોરિટી ફર્મ TACના CEO છે.

ચંડીગઢ સ્થિત TAC સિક્યોરિટીના 500થી વધારે ક્લાઇન્ટ્સ છે. કોમ્પ્યૂટરનો અભ્યાસ કર્યા વિના જ ત્રિશનીતે એથિકલ હેકિંગમાં પોતાના સાબિત કરી બતાવ્યો અને હવે તેના 500થી વધારે દેશી-વિદેશી ક્લાયન્ટ્સમાંથી ચાર દેશોની સરકાર પણ શામેલ છે. ચૂંટણી આયોગ CBI પંજાબ પોલીસ ગુજરાત પોલીસ રિલાયન્સ ઈન્ડસ્ટ્રીઝ અને પેમેન્ટ ગેટવેઝનું સિક્યોરિટી એસેસમેન્ટ પણ ત્રિશનીત સંભાળે છે.

ફોર્બ્સની લિસ્ટમાં નામ આવવા પર ખુશી વ્યક્ત કરતા ત્રિશનીતે  જણાવ્યું કે સાઈબર સિક્યોરિટીમાં રોજ નવી મુશ્કેલીઓ સામે આવે છે. જેમ-જેમ કોમ્પ્યૂટરનું નેટવર્ક વધી રહ્યું છે. તેના હેક થવાની સમસ્યા પણ વધી રહી છે. હાલમાં TAC સિક્યોરિટી પોતાનો વિસ્તાર કરી રહી છે. આ માટે તેને બજારના દિગ્ગજ રોકાણકારોનો પણ સાથ મળી રહ્યો છે. ફોર્બ્સમાં નામ માટે ત્રિશનીતનું નામ 2000 કંપનીઓમાંથી સિલેક્ટ કરવામાં આવ્યું છે. તેમણે એન્ટરપ્રાઈઝ કેટેગરીમાં ‘એશિયા 30 અંડર 30’માં પસંદ કરાયો છે.

 ત્રિશીત અરોડાનું કહેવું છે કે ''બાળપણથી જ તેને કોમ્પ્યૂટરમાં રસ હતો. તેનો મોટાભાગનો સમય વીડિયો ગેમ રમવામાં જતો હતો. મોડા સુધી કોમ્પ્યૂટર પર બેસી રહેવાથી તેના પિતાને ખૂબ ટેન્શન થતું અને તે રોજ કોમ્પ્યૂટરનો પાસવર્ડ બદલી નાખતા હતા. પરંતુ ત્રિશનીત રોજ પાસવર્ડને ક્રેક કરી દેતો. આ વસ્તુને જોઈને તેના પિતા પ્રભાવિત થઈ ગયા અને નવું કોમ્પ્યૂટર લાવીને આપ્યું. એક એવો સમય આવ્યો જેણે તેનું જીવન બદલી નાખ્યું.''