આજે લોકસભામાં ત્રણ તલાક બિલ પર ચર્ચા કરવામાં આવશે. ત્યારે ત્રિપલ તલાક બિલ પર ચર્ચા બાદ બિલ પાસ થઈ શકે છે. ત્રિપલ તલાક બિલની ચર્ચાને લઈને ભાજપના સાંસદોને હાજર રહેવા માટે વ્હીપ જાહેર કરાયું છે.
ઉલ્લેખનીય છે કે, સરકાર પહેલા પણ લોકસભામાં બિલ પાસ કરાવી ચૂકી છે. જ્યારે રાજ્યસભામાં ત્રણ તલાક બિલ પાસ થયું નહોતુ. વિપક્ષે બિલને લઈને વિરોધ કર્યો હતો. તેમજ સિલેક્ટ કમિટિ પાસે બિલ મોકલવાની વિપક્ષે માંગ કરી હતી. જો કે વિપક્ષની માંગણી સરકારે ફગાવી દીધી હતી.
નોંધનીય છે કે, સરકારે મે મહિનામાં પોતાનો કાર્યભાર સંભાળ્યા બાદ સંસદના પ્રથમ સત્રમાં સૌથી પહેલા આ બિલનો મુસદ્દો રજૂ કર્યો હતો. જો કે, કેટલાક વિપક્ષી દળોએ તેનો વિરોધ પણ કર્યો હતો. પરંતુ સરકારનું કહેવું છે કે, આ વિધેયક લીંગ સમાનતા અને ન્યાયની દિશામાં એક કદમ ભરનારુ હશે.
રાજ્યસભામાં અટવાયું હતું બિલ
નોંધનીય છે કે સરકારે પાછલા કાર્યકાળમાં પણ ત્રિપલ તલાક બિલ રજૂ કર્યું હતું. જો કે રાજ્યસભામાં તે પાસ નહોતું થઈ શક્યું. મોદી સરકારના આ બિલને એક તરફ સમર્થન મળી રહ્યું છે તો બીજી તરફ તેનો વિરોધ પણ થઈ રહ્યો છે.