મહામારી / દેશમાં કોરોનાના ટ્રિપલ મ્યુટેશને દસ્તક દીધી, જાણો કેટલું ઘાતક છે આ નવું સ્વરુપ

• મહારાષ્ટ્ર, દિલ્હી અને પશ્ચિમ બંગાળમાં ટ્રિપલ મ્યુટેશને દેખા દીધી
• ટ્રિપલ મ્યુટેશન એટલે કોરોના ત્રણ અલગ અલગ સ્ટ્રેન મળીને એક નવું વેરિઅન્ટ બનવું
• હાલમાં તો દેશની 10 લેબોરેટરીમાં વાયરસના જિનોમ સિકેંસિંગ થઈ રહ્યું છે. 

ટ્રિપલ મ્યુટેશન એટલે કોરોના ત્રણ અલગ અલગ સ્ટ્રેન મળીને એક નવું વેરિઅન્ટ બનવું. મહારાષ્ટ્ર, દિલ્હી અને પશ્ચિમ બંગાળમાં આ ટ્રીપલ મ્યુટેંટ વાયરસ મળ્યો હોવાનું મીડિયા રિપોર્ટમાં જણાવાયું છે.

શું છે ટ્રીપલ મ્યુટેશન 
ભારતમાં ડબલ મ્યુટેશનનું વેરિઅન્ટ તો મળ્યું છે એટલે કે કોરોનાના બે અલગ અલગ સ્ટ્રેન મળીને એક વાયરસ થવો. હવે ટ્રીપલ મ્યુટેશનમાં કોરોનાના ત્રણ અલગ અલગ સ્ટેરન મળ્યાં છે. 

ક્યાં મળ્યાં છે કોરોનાના ટ્રિપલ મ્યુટેશન 
અત્યાર સુધી તો મહારાષ્ટ્ર, પશ્ચિમ બંગાળ અને દિલ્હીમાં કોરોનાના ટ્રિપલ મ્યુટેશન વેરિઅન્ટ મળ્યાની ખબર છે. 

નિષ્ણાંતોના જણાવ્યાનુસાર, વાયરસમાં મ્યુટેશનને કારણે ફક્ત ભારતમાં જ નહીં પરંતુ આખી દુનિયામાં કોરોનાના કેસો વધી રહ્યાં છે. જોકે ટ્રિપલ મ્યુટેશન વેરિઅન્ટ કેટલું ઘાતક છે અથવા તો તે કેટલી ઝડપથી ફેલાય છે તે શોધી કાઢવા હજુ ઘણા રિસર્ચની જરુર છે. હાલમાં તો દેશની 10 લેબોરેટરીમાં વાયરસના જિનોમ સિકેંસિંગ થઈ રહ્યું છે. 

શું હાલની વેક્સિન ટ્રિપલ મ્યુટેશનની સામે કારગર સાબિત થશે

ટ્રિપલ મ્યુટેશનના 3 માંથી 2 સ્ટ્રેન ઘાતક છે. જોકે વેક્સિનની આ વેરિઅન્ટ પર કોઈ અસર થશે કે નહીં તે અંગે કોઈ જાણકારી મળી શકી નથી. વૈજ્ઞાનિકોનુ માનવું છે કે આ નવા વેરિઅન્ટમાં શરીરની અંદર કુદરતી રીતે કોરોનાની સામે બનેલી રોગ પ્રતિકાર શક્તિને નબળી પાડવાની ક્ષમતા છે.