સ્પોર્ટ્સ / WWE સુપરસ્ટાર ટ્રિપલ એચે ટીમ ઇન્ડિયાને મેચ રમવાની ચેલેન્જ આપી, કહ્યું એક મેચ રમી લઈએ

• એક ટીવી શોનાં એપિસોડમાં WWE સુપરસ્ટારે ભારતીય સંસ્કૃતિ પ્રત્યે પ્રેમ વ્યક્ત કર્યો
• ટ્રિપલ એચે કહ્યું હું સારો બેટ્સમેન છું પણ સચિન તેન્ડુલકર જેવો નહીં
• WWE પાસે એક ક્રિકેટ ટીમ બની શકે તેવા ભારતીય WWE સ્ટાર્સ છે

WWEનાં લેજન્ડ્સ કરે ઈન્ડિયન WWE સુપરસ્ટાર સાથે સ્ક્રીન શેર
26મી જાન્યુઆરીએ એક ચેનલ પર પ્રસારિત થનાર શોમાં 10 ભારતીય WWE સુપરસ્ટાર અમુક ઈન્ટરનેશનલ WWE લેજન્ડ અને સુપરસ્ટાર્સ સાથે સ્ક્રિન શેર કરશે. જેમાં શોના એક એપિસોડમાં WWE લેજન્ડ પોલ ટ્રિપલ એચે ભારતીય સંસ્કૃતિ પ્રત્યે તેનો પ્રેમ વ્યક્ત કરતા કહ્યું કે ભારતીય દર્શકો તેના માટે ખૂબ ખાસ છે.

જો તક મળે તો ઈન્ડિયન ક્રિકેટ ટીમ સાથે એક મેચ રમવી છેઃ ટ્રિપલ એચ
ટ્રિપલ એચે કહ્યું કે ભારતીય WWEનાં સુપરસ્ટાર્સની સાથે ખાસ શો માટે તે ખૂબ ઉત્સાહિત છે. બાદમાં તે વાતચીત ભારતીય દર્શકો માટે ક્રિકેટ અને WWE તરફ વળી હતી. જેમાં ટ્રિપલ એચને પૂછવામાં આવ્યું કે ભારતીય ક્રિકેટ અને WWEનાં સુપરસ્ટાર્સને તે કેવી રીતે જુએ છે. તે તેનાં જવાબમાં તેણે કહ્યું કે, અમારી પાસે ક્રિકેટ ટીમ બનાવવા માટે ઘણાં ભારતીય WWE સ્ટાર્સ છે. જો એક તક મળે તો અમે હાલની ઈન્ડિયન ક્રિકેટ ટીમ અને WWE ઈન્ડિયન સુપરસ્ટાર્સ વચ્ચે એક મેચ રમવા માંગીશું.

ટ્રીપલ એચે કહ્યું હું એક સારો બેટ્સમેન છું
વધુમાં ટ્રિપલ એચે કહ્યું કે, આ મેચ માટે અમને કોઈ સમય કે સ્થાનની જરૃરિયાત નથી. હું બેટીંગમાં સારો હોઈ શકું છું. જો મને બેટીંગ માટે પસંદ કરવામાં આવે તો હું સામેની ટીમનું ઘણું નુક્સાન કરી શકું તેમ છું. હું બેટીંગમાં સારો બની શકું પણ સચિન તેન્ડુલકરની જેમ તો નહીં જ.