અકસ્માત / અમદાવાદ વડોદરા એક્સપ્રેસ હાઈવે પર ત્રિપલ અકસ્માત, 1 ડ્રાયવરનું કરૂણ મોત

• અમદાવાદ વડોદરા એકસપ્રેસ હાઈવે પર અકસ્માત 
• કાર્ગો ટેલર ટ્રક, ઓઈલ ટેન્કર અને આઈસર વચ્ચે સર્જાયો અકસ્માત 
• એક ટ્રક ડ્રાયવરનું અકસ્માતમાં કરૂણ મોત 

અમદાવાદ વડોદરા એક્સપ્રેસ હાઈવે અવાર નવાર અકસ્માત સર્જતા હોય છે ત્યારે વધુમાં ફરી અહીયા એક ગમખ્વાર અકસ્માત સર્જાયો છે. આ ભયંકર અકસ્માતમાં એક વ્યક્તિનું મોત થયું છે. જ્યારે અન્ય એક વ્યક્તિ ગંભીર રીતે ઘાયલ થયો છે. તો એક વ્યક્તિ અકસ્માત બાદથી ગાયબ થઈ ગયો છે. 

અકસ્માતને કારણે એલપીજી સિલિન્ડર બ્લાસ્ટ

કાર્ગો ટેલર ટ્રક અને ઓઈલ ટેન્કર અને આઈસર ટ્રક એક બીજા ધડાકાભેર અથડાતા અહિયા ત્રિપલ અકસ્માત સર્જાયો હતો. ટ્રકમાં એલપીજી સિલિન્ડર હતો જેથી આ અકસ્માતને કારણે એલપીજી સિલિલ્ડર બ્લાસ્ટ થયો હતો. જેના કારણે ટ્રકના ડ્રાઈવર કેબિનમાં પણ આગ લાગી ગઈ જે સમયે ડ્રાયવર અંદર જ  હતો. 

એક ડ્રાયવરનું કરૂણ મોત 

આ અકસ્માતમાં ટ્રક ડ્રાયવરની કેબિનમાં આગ લાગી જવાને કારણે તેનું દુખદ મોત થયું છે. જ્યારે અન્ય એક ડ્રાયવર ગંભીર રીતે ઘાયલ થયો જેથી હોસ્પિટલમાં સારવાર અર્થે ખસેડવામાં આવ્યો છે. જોકે આ અકસ્માતમાં એક વાહનનો ડ્રાયવર ગુમ થઈ ગયો છે. જેથી તેને શોધવામાં આવી રહ્યો છે. 

ઘાયલ ડ્રાયવરને નડિયાદ હોસ્પિટલ ખસેડાયો 

ઉલ્લેખનીય છે કે અકસ્માતમાં જે ડ્રાયવર ગંભીર રીતે ઘાયલ થયો છે. તેને નડિયાદની હોસ્પિટલમાં સારવાર અર્થે ખસેડવામાં આવ્યો છે. સાથેજ જે ડ્રાયવર ગાયબ થઈ ગયો છે તેને શોધવામાં આવી રહ્યું છે. પરંતુ દુખદ વાત એ છે કે એલપીજી સિલિન્ડર બ્લાસ્ટ થવાને કારણે એક ડ્રાયવરનું આ ઘટનામાં કરૂણ મોત થયું છે.