Accident / અંકલેશ્વરમાં રવિવાર લઈને આવ્યો ખરાબ સમાચાર, ત્રિપલ અકસ્માતમાં એકનું મોત

• અંકલેશ્વરના પાનોલી હાઈવે પર ત્રિપલ અકસ્માત
• તાપી હોટલ સામે બે બાઈક અને ટ્રક વચ્ચે અકસ્માત
• અકસ્માતમાં એક બાઈક સવારનું ઘટનાસ્થળે મોત

 
કાળ ક્યારે કોળીઓ બનીને આવે કંઈ કહેવાય નહી. આવી જ ઘટના આજે અંકલેશ્વરમાં બની છે. ભરૂચના અંકલેશ્વરમાં રવિવારની સવાર એક બાઈક સવાર માટે મોતનો પેગામ લઈને આવી હતી. એક ખટારા અને બાઈકના અકસ્માતમાં બાઈક સવારનું મોત થયુ છે. 

તાપી હોટેલ સામે થયો અકસ્માત
ભરૂચના અંકલેશ્વરમાં પાનોલી નેશનલ હાઈવે પર ત્રિપલ અકસ્માતની ઘટના સામે આવી છે. તાપી હોટલ સામે બે બાઈક અને ટ્રક વચ્ચે અકસ્માત થયો. ત્રિપલ અકસ્માતમાં એક બાઈક સવારનું મોત થયુ છે. 

પોલીસ ઘટના સ્થળે
આ ઘટનાની જાણ થતા પોલીસકર્મીઓ ઘટનાસ્થળે દોડી આવ્યા હતા. પોલીસે અકસ્માતે ગુનો નોંધીને તપાસ હાથ ધરી હતી અને ઘાયલોને સારવાર માટે હોસ્પિટલ ભેગા કરવામાં આવ્યા હતા.