રાજનીતિ / મમતા બેનર્જીના આરોપ મામલે ભાજપનો પડકાર, દમ હોય તો તે ધારાસભ્યને સામે લાવો

તેમણે વધુમાં TMC માં એવો કોઇપણ ધારાસભ્ય પણ નથી કે જે આવડી મોટી રકમનું હકદાર હોય. પ્રજાને એ પણ ખબર નહોંતી કે ધારાસભ્ય કોણ છે..? TMCના ધારાસભ્યોની કોઇ લોકપ્રિયતા જ નથી. દિલીપ ઘોષે કહ્યું કે, મમતા બેનર્જીને પડકાર આપું છું કે પોતાના ધારાસભ્યને સામે લાવે જેને આવી ઓફર અમે કરી હોય. ઘોષે કહ્યું, લોકોને તો એ પણ ખબર નથી કે તેમના ધારાસભ્ય કોણ છે. 

આપને જણાવી દઇએ કે, મમતા બેનર્જીએ કોલકત્તામાં એક રેલીને સંબોધન કર્યું હતું. આ સંબોધન દરમિયાન તેમણે ભાજપ પર આકરા પ્રહાર કર્યા હતા. તેમણે કહ્યું કે, હું સમય કરતા વહેલા આવી કારણ કે રસ્તાઓ પર લાખો લોકો ઉભા છે કેટલાય સમર્થક છે, તેમણે વધુમાં કહ્યું કે, હજી સુધી ટ્રેન ભાજપના કબ્જામાં છે માટે તેમણે ટ્રેનોને રોકી રાખી છે પરંતુ તેમને ખબર હોવી જોઇએ કે, સુરજ વાદળોની પાછળ પણ ચમકતો હોય છે. 

આ રેલી દરમિયાન મમતા બેનર્જીએ ભાજપ પર ધારાસભ્યોને 2 કરોડ અને પેટ્રોલ પંપ આપવાની ઓફર આપવાનો આરોપ લગાવ્યો હતો. મમતાએ કહ્યું, ભાજપ અમાા ધારાસભ્યોને 2 કરોડ અને પેટ્રોલ પંપ આપવાની ઓફર કરી રહ્યું છે. આવું ભાજપે કર્ણાટકમાં પણ કર્યું.