ડાન્સની દીવાનગી / વિદેશની કોલેજમાં પંજાબી ઢોલ સાંભળતા જ વિદ્યાર્થીઓ નાચવા લાગ્યા, જુઓ ડાન્સનો વીડિયો

• કોલેજમાં કલ્ચર ડે મનાવવામાં આવ્યો
• કોલેજના ફંકશનમાં વિદ્યાર્થીઓએ ડાન્સ કરીને ધૂમ મચાવી
• વીડિયોને 2 મિલિયનથી પણ વધુ વખત જોવામાં આવ્યો

કોલેજના ફંકશનમાં વિદ્યાર્થીઓએ ધૂમ મચાવી

સોશિયલ મીડિયામાં દરરોજ ઘણા વીડિયો વાયરલ થાય છે. હાલમાં એક વીડિયો સોશિયલ મીડિયામાં વાયરલ થયો છે, જેને જોઇને યુઝર્સ ખૂબ ખુશ છે. આ વીડિયોમાં લખવામાં આવ્યું છે કે કોલેજમાં કલ્ચર ડે મનાવવામાં આવી રહ્યું છે. આ કોલેજના ફંકશનમાં વિદ્યાર્થીઓએ જે ધૂમ મચાવી છે, તે ખરેખર જોવાલાયક છે. ઉલ્લેખનીય છે કે વીડિયોના કેપ્શનમાં લખ્યું છે, મૉર્ડન બ્રિટન એટલેકે આધુનિક બ્રિટન. વિદ્યાર્થીઓના ડાન્સથી બધા યુઝર્સ ઉત્સાહમાં આવી ગયા. 

ઢોલની બીટ પર કર્યો ડાન્સ 

વીડિયોની શરૂઆતમાં એક ઢોલ પર પંજાબી બીટ વાગી રહ્યું છે. એવામાં એક વિદેશી વિદ્યાર્થી નાચવા માટે આગળ આવે છે અને થોડા ડાન્સ સ્ટેપ્સ કરે છે. પછી શું હતુ બધા બાળકોની અંદર ધીરે-ધીરે એવો જોશ આવ્યો કે બધા ડાન્સ કરવા માટે આગળ આવ્યાં. બધા વિદ્યાર્થીઓ હૂટિંગ કરતી વખતે ડાન્સ કરવા લાગ્યા અને નજારો એવો જામ્યો કે વીડિયો જોનારા યુઝર્સ વારંવાર વીડિયો જોઇ રહ્યાં છે. સોશિયલ મીડિયામાં આ વીડિયો યુઝર્સ ખૂબ નિહાળી રહ્યાં છે. આ વીડિયોને અત્યાર સુધી 2 મિલિયનથી પણ વધુ વખત જોવામાં આવ્યો છે. એટલું જ નહીં, 56 હજારથી પણ વધુ લોકોએ તેને પસંદ કર્યો છે અને 6 હજારથી વધુ વખત વીડિયોને રીટ્વિટ કરવામાં આવ્યો છે. 

Modern Britain 🥳🎊 pic.twitter.com/GJ8nhyFWt7

— Sunny Hundal (@sunny_hundal) July 1, 2022