ફેરફાર / ટ્રેનમાં ટિકિટ વગર મુસાફરી કરવા પર નહીં થાય જેલ, રેલવેના આટલા નિયમોની સજા બદલાઈ

• અદાલતો પરનો ભાર ઓછો કરવા માટે કેન્દ્ર સરકાર વિચારણા કરી રહી છે
• ભારતીય કાયદાઓ અને જોગવાઈઓને દૂર કરવાની વિચારણા 
• કાયદા હેઠળ હટાવવા માટે 16 કલમોની ઓળખ કરવામાં આવી છે

અદાલતો પરનો ભાર ઓછો કરવા માટે કેન્દ્ર સરકાર ઘણા ભારતીય કાયદાઓ અને જોગવાઈઓને દૂર કરવાની વિચારણા કરી રહી છે. તેમાં રેલવે એક્ટ 1989 હેઠળ ગેરકાયદેસર પ્રવૃત્તિ તરીકે ભીખ માંગવા જેવા ગુનાઓને દૂર કરવાનો પણ સમાવેશ કર્યો છે.

યોજના સાથે સંકળાયેલા એક અધિકારીએ કહ્યું છે કે મંત્રાલયે હવે કાયદાની તમામ જોગવાઈઓની વિસ્તૃત સમીક્ષા શરૂ કરી દીધી છે જેથી નાના ઉલ્લંઘનોની કાર્યવાહી સરળતાથી શક્ય બને.

ભારતીય રેલવે નેટવર્ક માટે કાયદા અમલીકરણ એજન્સી, રેલવે પ્રોટેક્શન ફોર્સના ડાયરેક્ટર જનરલ અરુણ કુમારે કહ્યું કે કેબિનેટ સચિવે તમામ મંત્રાલયોને આવા નાના ગુનાઓની સમીક્ષા કરવા કહ્યું છે. અમે મંત્રાલય માટે હાલના કાયદાઓની સમીક્ષા કરવાની પ્રક્રિયામાં છીએ.

હાલમાં શંકાસ્પદ લોકો પર કાર્યવાહી કરવાની જવાબદારી સરકારી રેલવે પોલીસ (જીઆરપી) ને સોંપવામાં આવી છે. જે ગુનાની તપાસ કરે છે અને કાર્યવાહી કરે છે. ટ્રેનો અને રેલવે પરિસરમાં મુસાફરોની સલામતી અને તેમનો સામાન આરપીએફ અને જીઆરપીની સહિયારી જવાબદારી છે. નાના ગુનાઓની ધરપકડ અને કાર્યવાહી માટેની જવાબદારી આરપીએફ પાસે છે.

1 જૂનના રોજ કેબિનેટ સચિવ રાજીવ ગૌબાએ એક પત્રમાં તમામ મંત્રાલયો અને વિભાગોને સમીક્ષા માટે કહ્યું હતું. હાલમાં ટ્રેન, રેલવે સ્ટેશન અથવા રેલવે સંપત્તિ પર ગુનો કરતી વખતે દંડ, કેદ અથવા બંનેની જોગવાઈ છે.

આ ગુનાઓમાં હવે જેલની જોગવાઈનો સમાવેશ નહીં થાય જેમાં અલાર્મ ચેનને કારણ વગર ખેંચીવી, અધિકૃત કર્યા વિના મુસાફરી કરવી, અનામત કોચમાં મુસાફરી કરવી અથવા પસાર થવું જેવી બાબતોનો સમાવેશ  થયો છે. અધિકારીઓના જણાવ્યા અનુસાર કાયદા હેઠળ હટાવવા માટે 16 કલમોની ઓળખ કરવામાં આવી છે.