ભારતીય રેલ્વેએ આજે 93 ટ્રેનો રદ કરી છે અને આ સાથે 29 ટ્રેન આંશિક રીતે રદ કરી છે. આ સિવાય 15 ટ્રેનો તેના સમય કરતાં મોડી ચાલી રહી છે
ભારતીય રેલ્વેએ આજે 93 ટ્રેનો રદ કરી
15 ટ્રેનો તેના સમય કરતાં મોડી ચાલી રહી છે
મુસાફરી માટે નીકળતા પહેલા ચેક કરો સ્ટેટ્સ
છઠ પૂજા અને તહેવારોની સિઝન દરમિયાન રેલ્વે દ્વારા મુસાફરી કરતા લોકોને આજે થોડી મુશ્કેલીનો સામનો કરવો પડી શકે છે. જણાવી દઈએ કે ભારતીય રેલ્વેએ આજે 93 ટ્રેનો રદ કરી છે અને આ સાથે 29 ટ્રેન આંશિક રીતે રદ કરી છે. આ સિવાય 15 ટ્રેનો તેના સમય કરતાં મોડી ચાલી રહી છે અને આ કારણે જ મુસાફરોએ મુસાફરી માટે નીકળતા પહેલા એમની ટ્રેનનું સ્ટેટ્સ ચેક કરીને નીકળવું.
જણાવી દઈએ કે આ આ ટ્રેનોમાં મહારાષ્ટ્ર, દિલ્હી, બિહાર, ઉત્તર પ્રદેશ, પશ્ચિમ બંગાળ અને ઉત્તરાખંડ સહિતના કેટલાક રાજ્યોમાંથી ઉપડતી ટ્રેનોનો સમાવેશ થાય છે અને તેમાં ગોરખપુર, આનંદ વિહાર ટર્મિનલ, બેંગલુરુ, દાનાપુર, પટના અને રાંચી જેવા શહેરોનો પણ સમાવેશ થાય છે.
આજે કેન્સલ થયેલ ટ્રેન
આજે ભારતીય રેલવે દ્વારા કેન્સલ થયેલ 93 ટ્રેનોમાં સાંગોલા-મુઝફ્ફરપુર એક્સપ્રેસ, પઠાણકોટ-વોલ્કેનો રોડ એક્સપ્રેસ, પઠાણકોટ-જોગીન્દર નગર એક્સપ્રેસ અને બૈજનાથપારોલા-પઠાણકોટ એક્સપ્રેસનો સમાવેશ થાય છે જે પંજાબ, બિહાર, દિલ્હી, ઝારખંડ અને ઉત્તરાખંડ સહિતના અનેક રાજ્યોના શહેરોમાંથી પસાર થાય છે.
આંશિક રૂપે કેન્સલ થયેલ ટ્રેન
30 ઓક્ટોબરે એટલે કે આજે 29 ટ્રેનોને આંશિક રીતે રદ કરવામાં આવી છે. એનો મતલબ એ થાય છે કે આ ટ્રેનો કેટલાક સ્ટેશનો વચ્ચે દોડશે નહીં.
આ બધી ટ્રેનો વિષેની માહિતી તમે ભારતીય રેલ્વે અને આઈઆરસીટીસીની વેબસાઈટ પર જોઈ શકો છો. આ વેબસાઇટ પર રદ, રીશેડ્યુલ અને ડાયવર્ટ કરાયેલી ટ્રેનોની માહિતી આપવામાં આવી છે. તમે https://enquiry.indianrail.gov.in/mntes અથવા IRCTC વેબસાઈટ લિંક https://www.irctchelp.in/cancelled-trains-list/#list2 પર જઈને ટ્રેનોની વર્તમાન સ્થિતિ ચકાસી શકો છો.