પ્રવાસનને પ્રોત્સાહન આપવા ઉપરાંત શહેરી પરિવહનની સમસ્યાઓને દૂર કરવા માટે 260 રોપવે કેબલ કાર અને ફ્યુનિક્યુલર (કેબલ રેલ્વે સિસ્ટમ) પ્રોજેક્ટને અંતિમ સ્વરૂપ આપવામાં આવ્યું છે.
260 પ્રોજેક્ટને આપવામાં આવી મંજૂરી
રોપ-વે અને કેબલ કાર પ્રોજેક્ટને અપાઈ મંજૂરી
670 રોડ સાઈડ સુવિધા ઉભી કરાશે
આગામી 3 વર્ષમાં પ્રોજેક્ટ થશે પૂર્ણ
પર્યટનને પ્રોત્સાહન આપવા માટે તેમજ શહેરી પરિવહનની સમસ્યાઓને દૂર કરવા માટે 260 રોપવે, કેબલ રેલ્વે સિસ્ટમ પરિયોજનાઓને અંતિમ રૂપ આપી દેવામાં આવ્યું છે. હાલમાં તેની ટેન્ડર પ્રક્રિયા ચાલી રહી છે અને થોડાક જ સમયમાં તેનું કામ પણ શરૂ થવાની સંભાવનાઓ છે. રાજ્યો તરફથી રોપવે માટે 300 થી વધુ દરખાસ્તો આવી છે. ત્યારે જાણવા મળતી માહિતી મુજબ રોપવે અને કેબલ કાર પ્રોજેક્ટ ત્રણ વર્ષમાં પૂર્ણ થઈ જશે. 670 કરોડના ખર્ચે રોડ બનાવવામાં આવી રહ્યા છે
ઈંડિયન ઈન્સ્ટિટ્યુટ ઓફ આર્કીટેક્ચર દ્વારા એક કાર્યક્રમનું આયોજન કરવામાં આવ્યું હતું. જેમાં કેન્દ્રીય માર્ગ પરિવહન મંત્રી નિતિન ગડકરીએ કહ્યું કે હાઈવે અને એક્સપ્રેસ વે માં લોકોની સુવિધા માટે 670 રોડ સાઈડ સુવિધાઓ બનાવવામાં આવી રહી છે. આ સુવિધાઓ બે થી પાંચ એકર વિસ્તારમાં પણ બનાવી શકાય છે. જેનો ઉદ્દેશ્ય એ છે કે લોકોને વધુમાં વધુ જગ્યાઓ પર પાર્કિંગ, રેસ્ટ રૂમ, રેસ્ટોરન્ટ, પેટ્રોલ પંપ જેવી સુવિધાઓ મળી રહે અને જેના માટે કોઈ અવરોધ ઉભો ન થાય. રોડ પ્રોજેક્ટ જેવા કામોમાં ઝડપી નિર્ણય લેવાનું સૌથી મહત્ત્વનું
મંત્રાલયનો પ્રયાસ આના દ્વારા સ્થાનિક બજારોને પણ પ્રોત્સાહન આપવાનો છે. ગડકરીએ કહ્યું કે રોડ પ્રોજેક્ટ જેવા કામોમાં ઝડપી નિર્ણય લેવાનું સૌથી મહત્ત્વનું છે. શાસનમાં વિલંબ એ સૌથી મોટી સમસ્યા છે. હા કે નાનો નિર્ણય તરત જ લેવો જોઈએ.