સ્લીપર ક્લાસમાં મુસાફરી કરતા યાત્રીઓ માટે સારા સમાચાર આવ્યાં છે. હવે તેઓ સ્લીપર ક્લાસના ભાડામાં એસી કોચમાં મુસાફરી કરી શકશે.
મુસાફરોની યાત્રા વધુ આરામદાયી બનાવવા માટે બનાવ્યાં નવા એસી કોચ
નવા કોચમાં ઘણી સુવિધાઓ ઉમેરવામાં આવી છે
આ ફેરફારોથી રેલવેની કમાણીમાં વધારો થશે
મુસાફરોની યાત્રા વધુ આરામદાયી બનશે
ભારતીય રેલવેએ એસી ક્લાસમાં સ્લીપર ક્લાસમાં મુસાફરી કરતા યાત્રીઓને પ્રોત્સાહન આપવા માટે નવી યોજના તૈયાર કરી છે. અને જો રેલવેની આ યોજના સફળ થશે તો લોકોની ટ્રેન મુસાફરી વઘુ આરામદાયી અને સારી બનશે એટલું જ નહીં, પરંતુ રેલવેની કમાણી પણ પહેલા કરતા વધારે વધશે.
નવા ઈકોનોમી ક્લાસમાં ભાડું AC કોચ કરતાં ઓછું હશે
ઉત્તર રેલવેના જનરલ મેનેજર આશુતોષ ગાંગલે જણાવ્યું હતું કે રેલવેના સ્લીપર ક્લાસના મુસાફરોને એસી કોચ તરફ આકર્ષવા માટે નવા AC3 ઇકોનોમી ક્લાસ કોચ તૈયાર કરવામાં આવ્યા છે. તેનો ઉદ્દેશ એવા લોકોને AC મુસાફરીની તક પૂરી પાડવાનો છે. જેમણે મોંઘા ભાડાના ડરને કારણે આ કોચમાં હજુ સુધી ટિકિટ બુક કરાવી ન હતી. આ નવા AC3 ઇકોનોમી ક્લાસમાં ભાડું AC કોચ કરતા 8 થી 10 ટકા ઓછું હશે.
નવા કોચમાં ઘણી સુવિધાઓ ઉમેરાઈ
તેમણે કહ્યું કે નવા AC3 ઇકોનોમી કોચમાં ઘણી સુવિધાઓ ઉમેરવામાં આવી છે. આ નવા કોચમાં 2 બેઠકો વચ્ચેનું અંતર ઘટાડવામાં આવ્યું છે. અત્યાર સુધી તમામ કોચમાં મહત્તમ 72 બેઠકો છે પરંતુ AC3 ઇકોનોમી કોચમાં બર્થની સંખ્યા વધારીને 83 કરવામાં આવી છે.
આ ફેરફારોથી રેલવેની કમાણીમાં વધારો થશે
જનરલ મેનેજર આશુતોષ ગંગલના જણાવ્યા અનુસાર, આ ફેરફારોથી રેલવેની કમાણીમાં વધારો થશે. સાથે જ ભાડામાં ઘટાડાને કારણે મુસાફરોને પણ તેનો ફાયદો થશે. તેમણે કહ્યું કે, અત્યાર સુધી એસી ફર્સ્ટ ક્લાસ, સેકન્ડ ક્લાસ અને થર્ડ ક્લાસના કોચમાં કોઈ ફેરફાર કરવામાં આવ્યો નથી.
વોશ બેસિનની ડિઝાઇનમાં ફેરફાર કરાયો
કોરોના મહામારીને ધ્યાનમાં રાખીને વોશ બેસિનની ડિઝાઇનમાં પણ ફેરફાર કરવામાં આવ્યો છે. તમે પગની મદદથી બટન દબાવીને નળ ચલાવીને વોશ બેસિનમાં હેન્ડ વોશ પણ કરી શકો છો. વિકલાંગો માટે આરામદાયક શૌચાલયો તૈયાર કરવામાં આવ્યા છે. સ્મોક ડિટેક્ટર અને ઇન્ફર્મેશન ડિસ્પ્લે બોર્ડ આપીને કોચના આંતરિક ભાગમાં સુધારો કરવામાં આવ્યો છે.