મોંઘવારીને કારણે આવતીકાલથી ટ્રાવેલ્સના ભાડામાં વધારો થયો છે. જેમા પહેલા 13 રૂપિયે પ્રતિકિલોમીટર ભાવ હતો તેની જગ્યાએ હવે 18 રૂપિયા સુધીનો કરી દેવામાં આવ્યો છે.
આવતીકાલથી ટ્રાવેલ ભાડામાં 20 ટકાનો વધારો
પેટ્રોલ-ડિઝલના વધતા ભાવને કારણે લેવાયો નિર્ણય
કિલીમીટર દીઠ કરવામાં આવ્યો ભાવ વધારો
રાજ્યમાં મોઘવારીને લઈને મધ્યમ તેમજ ગરીબ વર્ગ પહેલાથી ભારે હાલાંકી ભોગવી રહ્યો છે. ત્યારે હવે વધુમાં ટ્રાવેલ ખર્ચ પણ મોંધો થયો છે. જો તમે ટ્રાવેલ્સમાં પ્રવાસ કરો છો. તો આગામી 20 જુલાઈથી તમને ટ્રાવેલ ખર્ચો 20 ટકા જેટલો મોંઘો પડશે.
બસની સાથે ટેક્સીના ભાવમાં વધારો
ગુજરાત ટુરિસ્ટ વિહિકલ ઓપરેટર એસોસિએશન દ્વારા બધાજ વાહનોના ભાડામાં 20 ટકા જેટલો વધારો કરવામાં આવ્યો છે. 20 જુલાઈથી એટલેકે આવતીકાલથી આ ભાવવધારો અમલમાં મુકવામાં આવશે. જેમા બસની સાથે ટેક્સીના ભાડામાં પણ વધારો કરવામાં આવ્યો છે.
13 રૂપિયાની જગ્યાએ 15 થી 18 સુધીનો વધારો
પહેલા ગાડીનું ભાડું પ્રતિકિલોમીટરે 13 હતું જે હવે 15 કરી દેવામાં આવ્યું છે. મોટા ભાગની ગાડીઓના ભાડા 15 થી 18 રૂપિયા સુધી કરી દેવામાં આવ્યા છે. આ મામલે ગુજરાત ટુરિસ્ટ વિહિકલ ઓપરેટરના એસોસિએસન પ્રમુખ કિરણ મોદીએ એવું નિવેદન આપ્યું છે કે છેલ્લા દોઢ વર્ષથી ધંધાને માઠી અસર પડી છે.
મોંઘવારીને કારણે ભાવ વધ્યો
લોકડાઉન ખતમ થયું ત્યારે ડિઝલનો ભાવ 65 રૂપિયા હતો. પરંતુ આજે ડિઝલનો ભાવ 99 રૂપિયા પહોચી ગયો છે. એટલેકે 30 ટકા જેટલો વધારો થયો છે. જેના કારણે મજબૂરીમાં ટુરિસ્ટ વિહિકલોના ભાડામાં 20 ટકાનો તકરવો પડ્યો છે. તેમણે વધુમાં એવું પણ કહ્યું કે અગાઉ અમદાવાદથી દ્વારકા ટુરનો ખર્ચ 40 હજાર જેટલો હતો જે હાલ 45 હજાર પહોચી ગયો છે.
ભાવ વધારા દર નું લિસ્ટ-
11 સીટર AC વાહનનો ભાવ પ્રતિકિમી રૂ 18 થી વધારી રૂ 22 કર્યો.
14 સીટર AC વાહનનો ભાવ પ્રતિકિમી રૂ 19 થી વધારી રૂ 23 કર્યો.
17 સીટર AC વાહનનો ભાવ પ્રતિકિમી રૂ 19થી વધારી રૂ 25 કર્યો.
20 સીટર AC વાહનનો ભાવ પ્રતિકિમી રૂ 26થી વધારી રૂ 30 કર્યો.
27 સીટર AC વાહનનો ભાવ પ્રતિકિમી રૂ 30 થી વધારી રૂ 35 કર્યો.
33 સીટર AC વાહનનો ભાવ પ્રતિકિમી રૂ 33 થી વધારી રૂ 37 કર્યો.
41 સીટર AC વાહનનો ભાવ પ્રતિકિમી રૂ 42થી વધારી રૂ 50 કર્યો.
45 સીટર AC વાહનનો ભાવ પ્રતિકિમી રૂ 47 થી વધારી રૂ 55 કર્યો.
56 સીટર AC વાહનનો ભાવ પ્રતિકિમી રૂ 42 થી વધારી રૂ 52 કર્યો.
11 સીટર નોન AC વાહનનો ભાવ પ્રતિકિમી રૂ 17 થી વધારી રૂ 21 કર્યો.
14 સીટર નોન AC વાહનનો ભાવ પ્રતિકિમી રૂ 18 થી વધારી રૂ 22 કર્યો.
17 સીટર નોન AC વાહનનો ભાવ પ્રતિકિમી રૂ 19 થી વધારી રૂ 23 કર્યો.
20 સીટર નોન AC વાહનનો ભાવ પ્રતિકિમી રૂ 22 થી વધારી રૂ 26 કર્યો.
27 સીટર નોન AC વાહનનો ભાવ પ્રતિકિમી રૂ 26 થી વધારી રૂ 30 કર્યો.
33 સીટર નોન AC વાહનનો ભાવ પ્રતિકિમી રૂ 30 થી વધારી રૂ 35 કર્યો.
41 સીટર નોન AC વાહનનો ભાવ પ્રતિકિમી રૂ 36 થી વધારી રૂ 40 કર્યો.
45 સીટર નોન AC વાહનનો ભાવ પ્રતિકિમી રૂ 40 થી વધારી રૂ 45 કર્યો.
56 સીટર નોન AC વાહનનો ભાવ પ્રતિકિમી રૂ 33 થી વધારી રૂ 40 કર્યો.
41 સીટર AC વાહનનો ભાવ પ્રતિકિમી રૂ 42થી વધારી રૂ 50 કર્યો.