તમે રોજબરોજની જીવનથી કંટાળ્યા હોવ તો થોડે દૂર ફરવા જવું હમેશાં રોમાંચક પૂરવાર થાય છે. જો તમારી પાસે માત્ર બે-ત્રણ દિવસની રજા હોય તો કંઈ ખાસ પ્લાન કરવાના ઑપ્શન નથી હોતા. તમારા વિકેન્ડને ખાસ બનાવવું હોય તો તમે અમદાવાદથી દીવની રોડ ટ્રિપ પ્લાન કરી શકો છો...
અમદાવાદથી દીવનું રોડ ડિસ્ટન્સ 362 કિમી છે જેથી 6-8 કલાકની અંદર તમે દીવ પહોંચી શકો છો. આ દરમિયાન નજારા જોઈને તમારો થાક ઉતરી જશે. રસ્તા પર આવતા ઢાબામાં તમે ટેસ્ટી ફૂડ પણ માણી શકો છો. દીવ પહોંચ્યા બાદ તમે આ જગ્યાઓ જોવાનું ન ચૂકતા.
સેન્ટ પોલ્સ ચર્ચ:
આ દીવની સૌથી લોકપ્રિય જગ્યા છે. તે સાંસ્કૃતિક હેરિટેજનો એક સારું ઉદાહરણ છે. આ અદ્ભૂત ચર્ચ 1601માં બનાવાયુ હતુ. દર વર્ષે હજારો ટૂરિસ્ટ આ ચર્ચની મુલાકાતે આવે છે.
ગોમતીમાતા બીચ:
ગોમતી માતા બીચ દીવના પશ્ચિમ ભાગમાં છે. આ ખાસ્સો લોકપ્રિય બીચ છે. તેની આસપાસનો માહોલ સમૃદ્રની લહેરો અને સફેદ રેતી જોઈને અહીં આવનારા ટૂરિસ્ટ મંત્રમુગ્ધ થઇ જાય છે.
દીવ ફોર્ટ:
અરબ સાગરના કિનારે આવેલા દીવ ફોર્ટ પોર્ટુગીઝ આર્કિટેક્ચરનો એક શાનદાર નૂમનો છે. આ ફોર્ટ 1535માં દીવને મોગલોના હુમલાથી બચાવવા બનાવવામાં આવ્યો હતો. આજે આ ફોર્ટ ફેમસ ટૂરિસ્ટ ડેસ્ટિનેશન છે.
નૈદા ગુફા:
આ ગુફા દીવ ફોર્ટની દીવાલો બહાર ફેલાયેલી છે. જો તમને ફોટોગ્રાફીનો શોખ હોય તો આ જગ્યા તમારા માટે પરફેક્ટ જગ્યા છે.