પેટ્રોલ ડીઝલના વધતાં ભાવના કારણે ત્રસ્ત સામાન્ય નાગરિક પર વારંવાર મોંઘવારીના કોરડા વીંઝાય છે ત્યારે વધુ એક સમસ્યા સામે આવીને ઊભી રહી ગઈ છે.
ટ્રાન્સપોર્ટર્સ દ્વારા વધી શકે છે ભાવ
20% જેટલો વધારો થવાનો ખતરો
છેલ્લા બે મહિનાથી જીવનજરૂરી ચીજોના ભાવમાં સતત વધારો
કોરોના બાદ મોંઘવારી સામે લાચાર સામાન્ય માણસ
પેટ્રોલ ડીઝલના સતત વધતાં ભાવ સામે સામાન્ય માણસ લાચાર છે. તો બીજી તરફ ઈંધણના ભાવવધારાના કારણે જીવનજરૂરી ચીઝ વસ્તુઓના ભાવ પણ સાતમ આસમાને પહોંચી રહ્યા છે. આવનારા સમયમાં જો કે સમસ્યાઓમાં વધારો થવાની પ્રબળ સંભાવનાઓ છે.
ટ્રાન્સપોર્ટ્સ વધારી શકે છે ભાવ, સીધી અસર મોંઘવારી પર
આવનારા સમયમાં ટ્રાન્સટપોર્ટર્સ ભાડાંમાં વધારો કરી શકે છે. ભાડા વધારાનો સીધો માર ચીજ વસ્તુઓના ભાવ પર ઝીંકાય તેવો સંભાવનાઓ છે. પેટ્રોલ-ડીઝલ ઉપરાંત CNG અને PNG ના ભાવ પણ સાતમ આસમાને છે એવામાં ટ્રાન્સપોર્ટ્સ ભાડાંમાં 20%નો વધારો કરે તેવી સંભાવના છે.
છેલ્લા બે મહિનાથી વધી રહ્યા છે ભાવ
છેલ્લા બે મહિનાથી મોંઘવારીનો માર જીલી રહેલ નાગરિકોને રાહતનો શ્વાસ લેવા મળે તેવી શક્યતા પર પાણી ફરી રહ્યું છે. આગામી દિવસોમાં તેલથી લઈ કરીયાણા સુધીની તમામ વસ્તુઓના ભાવ વધી શકે છે.
શું છે ટ્રાન્સપોર્ટર્સનો પક્ષ?
આ ભાવવધારાને લઈ ટ્રાન્સપોર્ટર્સનું કહેવું છે કે, કોરોનાના કારણે કુલ ડિમાન્ડમાં ઘરખ્મ ઘટાડો થયો છે, જેના કારણે ઘણા લાંબા સમયથી કોઈ કમાણી નથી. હવે ઈંધણના એકધારા વધતાં ભાવ સામે ટ્રાન્સપોર્ટર્સ પાસે પાસના ભાડાંમાં વધારો કરવા સિવાય કોઈ વિકલ્પ બચ્યો નથી. દેશના સૌથી જૂન ટ્રાન્સપોર્ટ સંગઠન ઓલ ઈન્ડિયા મોટર ટ્રાન્સપોર્ટ કોંગ્રેસના કોર કમિટી ચેરમેન મલકિત સિંહના કહેવા મુજબ કોરોના પહેલા તેમના એક ટ્રક દિલ્લીથી મુંબઈ વચ્ચે 3 થી 4 ફેરા કરતાં હતા જ્યારે હવે માંડ 2 ફેરા કરી શકે છે. જેના કારણે મહિને સાડા ત્રણથી ચાર લાખની કમાણી ઘટીને 2 લાખ રૂપિયા જેટલી થઈ ગઈ છે.
સરકાર પાસે રાહતની માંગ
મુંબઈ APMC નાં ડાયરેક્ટરના કહેવા અનુસાર ખેડૂતોને પડતર કિંમત વધવાનાં કારણે વસ્તુઓના ભાવ વધે છે અને ટેનો માર ગ્રાહક પર પડે છે. માટે તાત્કાલિક ધોરણે પેટ્રોલ-ડીઝલના બહવ ઘટવા જરૂરી છે. આઆ સાથે ટ્રાન્સપોર્ટર્સ સરકાર પાસે ટેક્સ અને ચાર્જીસ ઘટાડવાની માંગ પણ કરી રહ્યા છે.