વડોદરાઃ દેશભરમાં ટ્રાન્સપોર્ટર્સ દ્વારા હડતાળ કરવામાં આવી રહી છે. આજે સાતમા દિવસે પણ ટ્રક ચાલકોની હડતાળ યથાવત્ છે. હડતાળને પગલે વડોદરામાં શાકભાજીના ભાવમાં વધારો થયો છે.
ટ્રકો રાજ્યમાં ન આવતા શાકભાજી ન પહોંચતા ભાવ આસમાને પહોંચ્યા છે. ત્યારે હવે બટાકા 30 રૂપિયે કિલો ટામેટા 40 રૂપિયે કિલો લીલા મરચા 80 રૂપિયે કિલો પર પહોંચ્યા છે. શાકભાજીના ભાવમાં વધારો થતા ગૃહિણીઓનુ બજેટ ખોરવાયુ છે.
શું છે ટ્રાન્સપોર્ટર્સની માગ ?
દેશભરના ટ્રાન્સપોર્ટર્સે સરકાર સમક્ષ મુકી 5 માગ. ડીઝલના ભાવોને GSTમાં સમાવવામાં આવે. સમગ્ર દેશમાંથી ટોલ ટેક્સ નાબૂદ કરવામાં આવે. થર્ડ પાર્ટી વિમા પરથી 18 ટકા GSTને દૂર કરવામાં આવે. એજન્ટ કમિશનને સમાપ્ત કરવામાં આવે. આવક પર લાગતો TDS નાબૂદ કરવામાં આવે. ઈ-વે બિલમાં સુધારો કરવામાં આવે.