મહત્વનો નિર્ણય / જૂના વાહનોથી થતા પ્રદૂષણ અટકાવવા ટ્રાન્સપોર્ટ વિભાગની મોટી જાહેરાત, થશે ટેક્સમાં ફાયદો

8 વર્ષ જૂના ટ્રાન્સપોર્ટ વાહનો સ્ક્રેપ કરાશે તો નવા વાહનની ખરીદીમાં ટેક્સ ડિસ્કાઉન્ટ આપવાની રાજ્ય સરકારે જાહેરાત કરી છે.. રાજ્યમાં વધતા પ્રદૂષણને અટકાવવા સરકારે આ જાહેરાત કરી છે. બસ,ટ્રક અને કન્સ્ટ્રક્શન કેટેગરીના જુના વાહનોની સંખ્યા ઘટાડી પ્રદુષણ પર નિયંત્રણ મેળવવાના હેતુથી આ નિર્ણય લેવાયો છે.

જે વાહન ચાલક આ રીતે 8 વર્ષ જૂના ટ્રાન્સપોર્ટ વાહનને સ્ક્રેપ કરાવશે તેને નવા વાહનની ખરીદીમાં 15 ટકા ડિસ્કાઉન્ટ અપાશે. સરકારનું આ નોટિફિકેશન 1 મે 2025થી 30 એપ્રિલ 2026 સુધી અમલી રહેશે. નવા વાહન પર ડિસ્કાઉન્ટનો લાભ લેવા માટે વાહન ચાલકે રજિસ્ટર્ડ સ્ક્રેપ સેન્ટરમાં વાહન સ્ક્રેપ કરાવવાનું રહેશે.

આ પણ વાંચોઃ જમ્મુ-કાશ્મીરમાં ફસાયેલા ગુજરાતીઓની વ્હારે આવ્યા આર્મીના જવાનો, કરાવ્યો ચા-નાસ્તો, જાણો વર્તમાન સ્થિતિ

આ નિયમ અંતર્ગત નોન ટ્રાન્સપોર્ટ વાહનોને 25 ટકા ડિસ્કાઉન્ટ આપવામાં આવશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ