ફેરફાર / ગુજરાતના પોલીસ બેડામાં મોટો ફેરફાર, જુઓ 74 અધિકારીઓની બદલીની સંપૂર્ણ યાદી

• રાજ્યના પોલીસ બેડામાં મોટો ફેરફાર
• અમદાવાદ, સુરત અને વડોદરાને મળ્યા નવા પોલીસ કમિશનર 

અમદાવાદ પોલીસ કમિશ્નર આશિષ ભાટિયાની ગુજરાતના નવા DGP (પોલીસ વડા) તરીકે નિમણૂક બાદ હવે રાજ્ય સરકારે પોલીસ બેડામાં મોટા ફેરફાર કર્યા છે. નવા DGPની નિમણૂક બાદ હવે અમદાવાદ અને વડોદરા શહેરના નવા પોલીસ કમિશ્નરની પસંદગી કરવામાં આવી છે. જેમાં અમદાવાદ CP તરીકે સંજય શ્રીવાસ્તવ અને વડોદરા શહેરના પોલીસ કમિશ્નર તરીકે આર.બી. બ્રહ્મભટ્ટ અને સુરતના CP તરીકે અજય તોમરની નિમણૂક કરાઈ છે. 

જ્યારે વડોદરાના કમિશનર અનુપમસિંહ ગેહલોતને ગાંધીનગર ખાતે ઇન્ટેલિજન્સ ઇન્સ્પેકટર ઓફ જનરલ પદે મુકાયા છે. તેમને ગુજરાત ઉર્જા વિકાસ નિગમના એક્ઝિક્યુટિવ ડિરેક્ટરનો વધારાનો ચાર્જ પણ સોંપાયો છે.

અભય ચુડાસમાની ગાંધીનગર રેન્જ આઇજી તરીકે બદલી કરવામાં આવી છે. શમશેરસિંઘને ADGP ગાંધીનગર , એ.ડી ચુડાસમાને ગાંધીનગરના નવા રેન્જ IG અને નિરજા ગોટરુ હોમગાર્ડ DG બનાવાયા છે. ગૃહ વિભાગ દ્વારા બદલીના આદેશ કરાયા છે. ગુજરાતમાં અન્ય 74 પોલીસ અધિકારીઓની બદલી કરવામાં આવી છે. જેની યાદી નીચે મુજબ છે.

VTVGujarati.comની ખબર પર ફરીવાર મહોર 

ઉલ્લેખનીય છે કે છેલ્લાં કેટલાંક દિવસથી સતત VTVGujarati.com દ્વારા રાજ્યમાં પોલીસ બેડામાં મોટા ફેરફારની સૂત્રો દ્વારા માહિતી આપી હતી જેના પર સમયાંતરે સરકારની પર મહોર લાગતી દેખાઈ છે. સરકારે 31 ઓગસ્ટના રોજ નવા DGP તરીકે આશિષ ભાટિયાની વરણી કરાયા બાદ આજે અમદાવાદ, સુરત અને વડોદરા શહેરના નવા પોલીસ કમિશ્નરની જાહેરાત કરવામાં આવી હતી. તેવામાં ગઇકાલે VTVGujarati.com પર અહેવાલ આપવામાં આવ્યો હતો કે અમદાવાદ પોલીસ કમિશનર તરીકે સંજય શ્રીવાસ્તવ અને વડોદરા પોલીસ કમિશનર અનુપમ ગેહલોતને IB ચીફ તરીકે મુકાશે. ત્યારે ફરી એક વખત VTVGujarati.comના અહેવાલ પર સરકારી મહોર લાગી છે.

જાણો ગુજરાતમાં 74 પોલીસ અધિકારીઓની ક્યાં થઇ બદલી-બઢતી