LRD ભરતી વિવાદ હજી ચાલી રહ્યો છે અને ગાંધીનગરમાં મહિલાઓ ધરણા કરી રહી છે. ત્યારે રાજ્ય સરકારે મોટો નિર્ણય લીધો છે. ગઇકાલે રાજ્ય સરકારે LRD ની બેઠકો વધારવાની વાત કરી છે અને આજે પોલીસ ભરતી બોર્ડના અધ્યક્ષની બદલી કરવામાં આવી છે.
IPS અધિકારીઓની બદલી
પોલીસ ભરતી બોર્ડના અધ્યક્ષની બદલી
ADGP તરીકે કરાઇ નિમણૂંક
ઉલ્લેખનીય છે કે, IPS અધિકારીઓની બદલી કરવામાં આવી છે. જેમાં પોલીસ ભરતી બોર્ડના અધ્યક્ષ વિકાસ સહાયની બદલી થઇ છે. તેમની પોલીસ ટ્રેનિંગ સેન્ટરના ADGP તરીકે નિમણૂંક કરવામાં આવી છે. IPS વિકાસ સહાયની બદલીનો રાજ્ય સરકારે નિર્ણય લીધો છે. પોલીસ ટ્રેનિંગના ADGP તરીકે વિકાસ સહાયને ચાર્જ આપવામાં આવ્યો છે.
શું છે LRD ભરતી વિવાદ
2018ના પરિપત્રને લઈને ચાલી રહ્યો છે. અનામત અને બિન અનામત વર્ગની મહિલાઓ ગાંધીનગરમાં ધરણા પર બેઠી છે. બંને તરફી માહોલ ગરમાતા સરકારે સમાધાનકારી નિર્ણય કર્યો હતો. વિરોધને શાંત પાડવા સરકારે 1-8-18ના પરિપત્રને ધ્યાને ન લઇને LRDની ભરતીમાં જગ્યા વધારી દીધી છે. જેથી કરીને તમામ વર્ગના 62.5 ટકાથી વધુ માર્ગ મેળવનારી મહિલાઓની ભરતી કરાશે.
કોણ છે વિકાસ સહાય?
1965માં જન્મેલા અને ઇતિહાસ વિષય સાથે અનુસ્નાતકનો અભ્યાસ કરનાર વિકાસ સહાય 1989માં ભારતીય પોલીસ સેવામાં જોડાયા હતા. પ્રમાણિક તથા કડક સ્વભાવ ધરાવતા સહાયે LRDની પરીક્ષા રદ્દ કરવાનો નિર્ણય લીધો હતો.