નર્સના પતિએ હોમગાર્ડમાં હોવાનો રોફ જમાવી પૈસા પડાવી લીધાનો આક્ષેપ છે. એટ્રોસિટી હેઠળ ફસાવવાની ધમકી આપી પૈસા પડાવ્યાની ફરિયાદ
તબીબ અસ્લમ જહાંએ નોંધાવી ફરિયાદ
ક્લિનિકમાં કામ કરતી પૂર્વ નર્સ સામે ફરિયાદ
નર્સે એટ્રોસિટી હેઠળ ફરિયાદની આપી ધમકી
ભરૂચમાં નામાંકિત તબીબ અસ્લમ જહાંએ પોતાના ક્લિનિકમાં કામ કરતી પૂર્વ નર્સના પતિ સામે ફરિયાદ નોંધાવી છે. પૂર્વ નર્સના પતિ હોમગાર્ડમાં ફરજ બજાવે છે. નર્સના પતિ વિરુદ્ધ ખંડણીના નાણા પડાવ્યા બાદ ધમકી આપી હુમલાની ફરિયાદ નોંધાવી છે. નર્સના પતિએ હોમગાર્ડમાં હોવાનો રોફ જમાવી પૈસા પડાવી લીધાનો આક્ષેપ છે. એટ્રોસિટી હેઠળ ફસાવવાની ધમકી આપી પૈસા પડાવ્યાની ફરિયાદ નોંધાવતા એ-ડિવિઝન પોલીસે હોમગાર્ડની ધરપકડ કરી છે.
ભરૂચના એમ.જી રોડ પર આવેલી નામાંકિત સિફા હોસ્પિટલના ડૉકટરે એક ફરિયાદ નોધાવી છે. ડૉ.અસ્લમ જહાંએ પોતાના ક્લિનિકમાં કામ કરતી ટ્રેનિંગ નર્સના હોમગાર્ડમાં ફરજ બજાવતા પતિ સામે જાનથી મારી નાંખવાની ફરિયાદ કરી છે. ડૉકટર સામે ખોટા આક્ષેપો કરી એટ્રોસીટી જેવા કેસમાં અંદર કરાવવાની ધમકીઓ આપી હતી. અને બાદમાં ડૉક્ટર પાસે રૂપિયા પડાવતો હતો. અત્યાર સુધી ૨૭ હજાર ઉપરાંતની રકમ આપી ચૂકેલા ડૉક્ટરે હોમગાર્ડની તમામ કરતૂતોને પોતાના હોસ્પિટલમાં લાગેલા સીસીટીવીમાં કેદ કરી હતી. બાદમાં સમગ્ર મામલે ડૉક્ટર અસલમ જહાંએ ભરૂચ શહેર એ-ડિવિઝન પોલીસ મથકે પૂર્વ ટ્રેનિંગ નર્સના પતિ અનિલ રતિલાલ પરમાર સામે ફરિયાદ દાખલ કરાવી હતી.