રાજસ્થાનમાં સર્જાઇ કાળજુ કંપાવે તેવી ઘટના: યુવક પરથી પસાર થઈ ટ્રેન મોતને આપી માત

રાજસ્થાનમાં જોવા મળ્યો કુદરતનો કરિશ્મા યુવક પરથી પસાર થઈ ટ્રેન વાળ પણ ના વાંકો થયો

રાજસ્થાનના ધોલપુરનો કાળજુ કંપાવતો ખરો પણ રામ રાખે તેને કોણ ચાખે એવું ઉદાહરણ આપતો એક વીડિયો સામે આવ્યા છે. યુવકની સમજદારીથી કેવી રીતે જીવ બચ્યો એ ઘટના ખરેખર અકલ્પનીય છે.

ઘટના છે રાજસ્થાનના ધોલપુર રેલવે સ્ટેશનની કે જ્યાં એક યુવક રેલવે ટ્રેક પસાર કરી રહ્યો હતો. તે સમયે અચાનક ટ્રેન આવી ગઈ. પણ યુવકને આ વાતની જાણ જ નહોતી. 

જો કે અચાનક ટ્રેન આવતા યુવક રેલવેના ટ્રેક વચ્ચે ચત્તો પડીને સૂઈ ગયો. યુવકે સમજદારી વાપરી અને આખી ટ્રેન જ્યાં સુધી પસાર ન થઈ ત્યાં સુધી યુવક ટ્રેકની વચ્ચે બોલ્યા ચાલ્યા વગર પડી રહ્યો. 

આખરે આખી ટ્રેન પસાર થઈ ગયી અને યુવકની સમજદારીથી તેનો જીવ બચ્યો. ઘટનાનો વીડિયો પણ સોશિયલ મીડિયામાં ખૂબ જ વાયરલ થયો છે.