મદદ / 'સર, આજે મારી બહેનનું પેપર છે પણ ટ્રેન મોડી આવી' આ એક ટ્વિટ બાદ જુઓ શું થયું

• એક ટ્વિટથી બની ગયું કામ
• રેલવેએ ભાઈની મદદની પોકાર સાંભળી 
• બહેનને ટાઈમસર પહોંચાડીને પરીક્ષા અપાવી 

સર, મારી બહેનનું આજે બીટીસી પેપર છે, પરંતુ જે ટ્રેનમાં તેનું રિઝર્વેશન છે તે અઢી કલાક મોડી છે. આવી સ્થિતિમાં, તેનાથી તેની પરીક્ષા છૂટી જાય તેમ છે, મઊના એક યુવાને રેલવેને આ ટ્વિટ કર્યું હતું. 

એક ટ્વિટ અને રેલવેએ ટ્રેનની ગતિ વધારી દીધી 

બસ પછી શું હતું? આ યુવાનની ભાવનાત્મક પોસ્ટે બુધવારે સવારે રેલવેને  ફૂલસ્પીડમાં લાવી દીધી હતી. આ ટ્વિટ પછી થોડી વારમાં ટ્રેનની ગતિ વધી અને થોડા જ સમયમાં તે વારાણસી પહોંચી ગઈ હતી. જેના કારણે વિદ્યાર્થિની  સમયસર કોલેજમાં પહોંચીને પેપર આપી શકી હતી. વિદ્યાર્થિની અને તેના ભાઈએ આ પ્રશંસનીય કાર્ય બદલ રેલ્વેનો આભાર માન્યો છે.

ગાઝીપુર જિલ્લાની નાઝિયા તબસ્સમ બીટીસીની વિદ્યાર્થિની છે. બુધવારે બપોરે 12 વાગ્યાથી વારાણસીની વલ્લભ વિદ્યાપીઠ ગર્લ્સ ઇન્ટર કોલેજમાં તેની બેક પેપર પરીક્ષા લેવામાં આવી હતી. તેણે છાપરા વારાણસી સિટી એક્સપ્રેસ (05111) માં મઊ થી વારાણસી સુધીની ટિકિટ કન્ફર્મ કરાવી હતી, ટ્રેન સવારે 6:25 કલાકે મઊ જંકશન પર આવવાની હતી પરંતુ તે અઢી કલાક મોડી પડી હતી.

બે કલાકમાં ટ્રેન મઊથી વારાણસી પહોંચી ગઈ 

ગભરાયેલી વિદ્યાર્થિનીએ તેના ભાઇ અનવરને ટ્રેન મોડી આવવાની આશંકા જણાવી દીધી. જેના કારણે અનવરે ટ્વિટ કરીને ટ્રેન નંબરને આપીને સમસ્યાને ટ્વિટ કરી હતી. આની તાત્કાલીક નોંધ લેતાં રેલ્વે અધિકારીઓએ ટ્રેનની ગતિ વધારીને સમયે પહોંચાડવાની સૂચના આપી હતી. આના આધારે ડ્રાઇવરે ગતિ વધારી હતી અને બે કલાકમાં ટ્રેન મઊ થી સવારે 11 વાગ્યે વારાણસી સ્ટેશન પહોંચી ગઈ હતી.

જેના કારણે નાઝિયા સમયસર કોલેજમાં પહોંચીને પરીક્ષા આપી શકી હતી. આ મુદ્દે રેલવેના પીઆરઓ અશોક કુમારે જણાવ્યું હતું કે મુસાફરોની સમસ્યાઓનું નિરાકરણ રેલ્વેની પ્રાથમિકતા છે. માહિતી મળતાની સાથે જ વિદ્યાર્થિનીની સમસ્યાનું નિરાકરણ લાવવામાં આવ્યું હતું.