VIDEO / કોની સાથે વાત કરતી હશે ? છોકરી પરથી ટ્રેન પસાર થઈ ગઈ, તોયે ફોનમાં વાત કરતી રહી

• સોશિયલ મીડિયા પર વાયરલ થયો વીડિયો
• ફોન પર વાત કરવામાં ભાન ન રહ્યું
• માલગાડી શરીર પરથી પસાર થઈ ગઈ

ભારત રેલ્વે સતત ચેતવણી આપતું રહે છે કે, એક પ્લેટફોર્મથી બીજા પ્લેટફોર્મ પર જવા માટે લોકો ફુટઓવર બ્રિજ અથવા અંડરપાસનો ઉપયોગ કરે. પણ લોકો સુધરવાનું નામ નથી લેતા. આ ઉપરાંત પાટા પર ન ચાલવાની પણ અપીલ કરવામાં આવે છે. હવે સોશિયલ મીડિયા પર એક વીડિયો વાયરલ થઈ રહ્યો છે. જેને જોઈને લોકોને એક કહેવત યાદ આવે છે કે, પ્રાણ જાયે પર ફોન ન જાયે.

इनको अपनी जान नहीं बल्कि फोन ज्यादा प्यारा है.....

मौत छूकर गुजर गई, लेकिन फोन पर बात करना बंद नहीं किया#indianrailway #train #irctc pic.twitter.com/GxZVp2ydoF

— Ashutosh Tiwari (@tiwari_ashu11) April 12, 2022

ફુલ સ્પિડમાં હતી ટ્રેન

વાયરલ વીડિયોમાં જોઈ શકાય છે કે, એક છોકરી ટ્રેનના પાટાની વચ્ચે ચાલી રહી હતી. તે ફોન પર વાત કરી રહી હતી. ત્યારે અચાનક એક માલગાડી આવી જાય છે. જેના પર છોકરીએ થોડી સમજદારી વાપરી અને તે પાટાની વચ્ચે સુઈ ગઈ, જે બાદ ફુલ સ્પિડે આવતી માલગાડી તેના શરીર પરથી પસાર થઈ ગઈ હતી. ત્યાર બાદ પણ જે થયું તે સૌ કોઈ માટે ચોંકાવનારુ હતું.

આટલુ થવા છતાં પણ વાત કરવાનું ચાલુ જ રાખ્યું

માલગાડી પસાર થયા બાદ છોકરી પાટા પરથી ઉભી થઈ. મોટા ભાગે આવી ઘટનાથી લોકો વિચલીત થઈ જતાં હોય છે. પણ આ છોકરીની અંદર ડર નામની કોઈ વસ્તુ નહોતી. તેણે પહેલા પોતાનો ફોન ઉઠાવ્યો અને બાદ ફરી વાર તે ફોન પર વાત કરવા લાગી. જેના પર ત્યાં હાજર સૌ કોઈ હેરાન રહી ગયા હતા. આ વીડિયો ક્યારે અને ક્યાનો છે, તે તો નથી ખબર પણ હાલમાં સોશિયલ મીડિયા પર ખૂબ વાયરલ થઈ રહ્યો છે. 

લોકોએ કરી કમેન્ટ

તો વળી બીજી બાજૂ સોશિયલ મીડિયા પર વાયરલ આ વીડિયોને લઈને કમેન્ટ ખૂબ થઈ રહી છે. એક શખ્સે તો લખ્યું હતું કે, તે સ્ત્રી છે, કંઈ પણ કરી શકે છે. તો વળી બીજાએ લખ્યું કે, સામે વાત કરનારો માણસ કેટલો મહત્વનો હશે.