ટ્રેનમાં વિસ્ફોટક હોવાનો વડોદરામાં નનામી કોલ મળ્યો છે. જમ્મુથી બાંદ્રા જતી ટ્રેનમાં વિસ્ફોટક હોવાનો કોલ મળ્યો છે. સ્વરાજ સુપરફાસ્ટ એક્સપ્રેસ ટ્રેનમાં મુસાફર વિસ્ફોટક લઈ જતો હોવાનો ફોન આવ્યો હતો.
વિસ્ફોટક હોવાની અફવાના પગલે તંત્ર હરકતમાં આવ્યુ હતું. ઇનપુટને લઈને પોલીસ દ્વારા સઘન ચેકીંગ કરવામાં આવ્યું છે. ટ્રેનના કોચ નંબર બી-4માં વિસ્ફોટક હોવાનો ફોન મળ્યો હતો. રેલવે પોલિસ ડોગ સ્કોડ, બૉમ્બ સ્કોડ દ્વારા ચેકીંગ હાથ ધરવામાં આવ્યુ હતું. વાંધાજનક પ્રદાર્થ મળી ન આવતા તંત્રએ હાશકારો લીધો હતો.
ઉલ્લેખનીય છે કે,જમ્મુથી ઉપડેલી સ્વરાજ સુપરફાસ્ટ એક્સપ્રેસમાં વિસ્ફોટક મૂકાયો હોવાનો એક નનામો કોલ આવતા આ ટ્રેનને વડોદરા સ્ટેશને અટકાવવામાં આવી હતી અને બોમ્બ સ્કવૉડ અને ડોગ સ્કવોડ સ્ટેશને પહોંચી ગઇ હતી. અને ટ્રેનના દરેક ડબ્બામાં તપાસ કરી હતી. જો કે, કોઇ શંકાસ્પદ ચીજ નજરે ચડી નહોંતી.
બોમ્બ મુકાયો હોવાની ઘટના આસપાસના વિસ્તારમાં વાયુવેગે પ્રસરી જતાં મુસાફરો સહિત સ્ટેશનમાં હાજર તમામ લોકોમાં ભયનો માહોલ જોવા મળ્યો હતો. જો કે, સ્થાનિક રેલવે પોલીસ તથા બૉમ્બ સ્કોડ દ્વારા યુદ્ધના ધોરણે ચેકિંગ હાથ ધર્યું હતું.