સોશિયલ મીડિયા પર એક વીડિયો વાયરલ થઈ રહ્યો છે, જેમાં એક ટ્રકનું વ્હીલ રેલવે ટ્રેકમાં ફસાઈ ગયું, જેની થોડી જ મિનિટોમાં એક ટ્રેન આવી અને ટ્રકને જોરદાર ટક્કર મારી દીધી.
રેલવે ક્રોસિંગ પર ટ્રેન અને ટ્રકની ટક્કરનો વિડીયો વાયરલ
ટ્રકનું એક વ્હીલ રેલવે ટ્રેકમાં ફસાઈ ગયું હતું
ટ્રેનની રોકવા માટેના પ્રયાસો કર્યા પણ નિષ્ફળતા મળી હતી
ટ્રક અને ટ્રેનની ટક્કરનો વિડીયો વાયરલ
ક્યારેક ક્યારેક તમને રેલવે ક્રોસિંગના એવા એવા વિડીયો જોવા મળે છે, જેના પર કોઇ સરળતાથી વિશ્વાસ ન કરી શકે. ક્રોસિંગ પર થોડી બેદરકારી જીવલેણ સાબિત થઈ શકે છે. રેલવે ક્રોસિંગ પર સામાન્ય લોકો દ્વારા એલર્ટ થવું જરૂરી છે એટલું જ નહીં, પણ આવતી-જતી ટ્રેનોનું પણ ધ્યાન રાખવું જોઈએ. જો કે કઈ થવાનું ભાગ્યમાં લખ્યું હોય તો તે થઈને રહેશે. સોશિયલ મીડિયા પર એક વીડિયો વાયરલ થઈ રહ્યો છે, જેમાં એક ટ્રકનું વ્હીલ રેલવે ટ્રેકમાં ફસાઈ ગયું હતું, જેની થોડી જ મિનિટોમાં એક ટ્રેન આવી અને ટ્રકને જોરદાર ટક્કર મારી દીધી.
#WATCH कर्नाटक: बीदर के बहलकी क्रॉसिंग पर ट्रेन ट्रक से टकराई। हादसे में किसी के घायल होने की सूचना नहीं है। pic.twitter.com/K5WcfNxTGu
ટ્રકનું પૈડું રેલવે ટ્રેક પર ફસાયું
સોશિયલ મીડિયા પર વાયરલ થયા બાદ લોકો જાણવા લાગ્યા કે તે ક્યાંનું છે અને ઘટના સ્થળે શું થયું હતું. આ ઘટના ગુરુવારે સવારે કર્ણાટકના બિદર જિલ્લામાં બની હતી. ઉધરેશ્વર રેલ્વે ક્રોસિંગ પર એક ટ્રક ક્રોસિંગ પાર કરી રહી હતી ત્યારે અચાનક તેનું વ્હીલ ટ્રેકની વચ્ચે ફસાઈ ગયું હતું. લોકોએ જોયું કે ટ્રક આગળ નથી વધી રહી, તો તેઓ આવ્યા અને મદદ કરી.ઘણા લોકોએ ટ્રકને હટાવવાની પૂરી કોશિશ કરી, પરંતુ જ્યારે ટ્રેન આવવાનો સમય થયો ત્યારે બધા સમજી ગયા કે હવે ટ્રક નહીં નીકળી શકે.
ટ્રેને ટ્રકને ટક્કર મારી
ટ્રેનને નજીક આવતી જોઈને ત્યાં હાજર તમામ લોકો ત્યાંથી દુર થઇ ગયા હતા અને ટ્રેનનો ડ્રાઈવર આ બાબતને સમજીને ટ્રેન પર કાબૂ મેળવી શકે ત્યાં સુધીમાં તો ભયંકર ટક્કર થઈ ગઈ હતી. જણાવવામાં આવી રહ્યું છે કે રેલવે ક્રોસિંગ પરથી પસાર થતી વખતે ટ્રકમાં ટેકનિકલ ખામી સર્જાઈ હતી, જેના કારણે ટ્રક વચે રેલવે ટ્રેક પર ફસાઈ ગઈ હતી. લોકોએ તેને દૂર કરવાનો પ્રયાસ કર્યો, પરંતુ સફળતા મળી નહીં. આ દરમિયાન ટ્રેન આવવાનો સમય થઈ ગયો હતો. ટ્રેનને સિગ્નલિંગથી રોકવાના પ્રયાસ પણ કરવામાં આવ્યા હતા, પરંતુ ટ્રેનની સ્પીડ ધીમી થઇ હતી ત્યાં સુધીમાં તો ટ્રેને ટ્રકને ટક્કર મારી દીધી હતી. જો કે આ ઘટનામાં કોઇનું મોત થયું નથી.