દિલ્હીથી વારાણસી યાત્રા કરવા માટે વંદે ભારત એક્સપ્રેસ અથવા ટ્રેન 18નું AC ચૅર કારનું ભાડું 1850 રૂપિયા અને ઍક્ઝિક્યુટીવ ક્લાસ માટે 3520 રૂપિયા હશે. આ ભાડામાં ખાવા-પીવાનો ચાર્જ પણ શામેલ છે.
અધિકારીઓએ સોમવારે જણાવ્યું કે પરત આવતી વખતે ચૅર કારની ટિકિટનું ભાડું રૂ.1795 હશે જ્યારે ઍક્ઝિક્યુટિવ કાર ટિકિટનું ભાડું રૂ.3470 હશે.
સત્તાવાર સૂત્રોએ જણાવ્યું કે આટલા જ અંતર માટે શતાબ્દી ટ્રેનોના ભાડાની તુલનામાં ચૅર કારનું ભાડું 1.5 ગણું વધારે છે અને પ્રીમિયમ ટ્રેનમાં પ્રથમ શ્રેણી એ.સી ભાડાથી ઍક્ઝિક્યુટિવ ક્લાસનું ભાડું 1.4 ગણું વધારે છે.
પ્રધાનમંત્રી નરેન્દ્ર મોદી 15 ફેબ્રુઆરી આ ટ્રેનને લીલી ઝંડી દેખાડશે. સૂત્રોએ જણાવ્યું હતું કે આ ટ્રેનમાં બે શ્રેણીઓ છે. એક એક્ઝિક્યુટિવ અને ચૅર કાર અને બંનેમાં ભોજનની કિંમત અલગ-અલગ છે.
નવી દિલ્હીથી વારાણસી જનારા યાત્રીઓને ઍક્ઝિક્યુટિવ શ્રેણીમાં સવારે ચા નાસ્તો અને લંચ માટે 399 રૂપિયા ચૂકવવાના રહેશે જ્યારે ચૅર કારના યાત્રીઓએ આ બધા માટે 344 રૂપિયા આપવા પડશે.
નવી દિલ્હીથી કાનપુર અને પ્રયાગરાજની યાત્રા કરનારા લોકોને ઍક્ઝિક્યુટિવ ક્લાસ અને ચૅર કરા માટે ક્રમશઃ 155 રૂપિયા અને 122 રૂપિયા આપવાના રહેશે. વારાણસીથી નવી દિલ્હી આવનારા યાત્રીઓએ ઍક્ઝિક્યુટિવ ક્લાસ અને ચૅર કારમાં ક્રમશઃ 349 રૂપિયા અને 288 રૂપિયા આપવાના રહેશે