1 ફેબ્રુઆરીથી TV જોવા ચુકવવા પડશે આટલા રૂપિયા લાગૂ થશે TRAI નો નિયમ

1 ફેબ્રુઆરીથી DTH અને કેબલ ઓપરેટર્સ નવા નિયમો અનુસાર કામ કરશે. આ નિયમ ટેલિકોમ રેગુલેટરી ઓથોરિટી ઓફ ઇન્ડિયાએ બનાવ્યા છે. ગ્રાહકોની પાસે ચેનલોની ચૂંટણી કરવા માટે માત્ર કાલનો દિવસ રહ્યો છે. કારણ કે 1 ફેબ્રુઆરી બાદ ગ્રાહકોને માત્ર એ જ ચેનલો જોશે જે એ જોવા માંગે છે. એનાથી કેબલ ટીવીનું બિલ ઓછું થશે. તમને જણાવી દઇએ કે TRAI એ ડીટીએચ અને કેબલ ઓપરેટરોને એવો સ્પષ્ટ નિર્દેશ આપ્યો છે કે ગ્રાહકો માટે ટીવી સેવાઓ અડચણરૂપ ના હોય અને ચેનલ પસંદ કરવાથી જોડાયેલા ફેરફાર સરળતાથી લાગૂ થઇ જાય. 

આ સંદર્ભમાં TRAIએ નવી ગાઇડલાઇન્સ દ્વારા ગ્રાહક ક્યાં તો પોતાની ગમતી ચેનલ પસંદ કરી શકશે અથવા બ્રોડકાસ્ટ અથવા ડિસ્ટ્રીબ્યૂટર પોતાના વિભિન્ન ચેનલોના સમૂહને ઓફર કરે. ટ્રાય તરફથી ચેનલોની કિંમત 19 રૂપિયા નક્કી કરવામાં આવી છે. પરંતુ ટેક્સ બાદ ચેનલની કિંમત થોડી વધારે વધી શકે છે. નવા નિયમ હેઠળ ગ્રાહકને 130 રૂપિયા પ્લસ ટેક્સની બેસિક ફી ફરજીયાત તરીકે ચૂકવવી પડશે. ટેક્સની સાથે આ રકમ 154 રૂપિયા થઇ જશે. જો કે હવે બ્રોડકાસ્ટર ગ્રાહકોથી બ્રોડકાસ્ટ તરફથી કોઇ પણ ચેનલ માટે નક્કી એમઆરપીથી વધારે ફી સર્વિસ પ્રોવાઇડર વસૂલ કરી શકશે નહીં. ગ્રાહકોને એમાં 100 ચેનલો મળશે. 

જો કે ગ્રાહક આ 100 ઉપરાંત વધારે ચેનલોની પણ પસંદગી કરી શકે છે. એના માટે ગ્રાહકોને 25 ચેનલોનો સ્લેબ મળશે અને ગ્રાહકને દરેક સ્લેબ માટે 20 રૂપિયા ચુકવવા પડશે. જો તમારે કોઇ સ્પેશિયલ ચેનલ જોવી છે તો એના માટે તમારે વધારે ફી આપવી પડશે. ગ્રાહકોને ધ્યાનમાં રાખતા TRAI એ ચેનલ સિલેક્ટ એપની વ્યવસ્થા પણ કરી છે. આ એપમાં તમે ટ્રાઇની વેબસાઇટ પર જઇને મનપસંદ ચેનલોની પસંદગી કરી શકો છો. એચડી ચેનલો માટે ફી વધારે હશે.