તમારા કામનું / બેંક ખાતા ધારકો આનંદો! હવે આ સુવિધા માટે નહીં ચૂકવવો પડે સર્વિસ ચાર્જ

• મેસેજ પર લાગતા ચાર્જ હટાવવાનો પ્રસ્તાવ 
• પોપઅપ મેસેજ પર કાપવામાં આવે છે પૈસા 
• જાણો નિયમોમાં શું થયો ફેરફાર

ટ્રાઈ એટલે કે ટેલિકોમ રેગ્યુલેટરી ઓફ ઈન્ડિયા (Telecom Regulatory Authority of India)એ બુધવારે મોબાઈલ બેંકિંગ અને પેમેન્ટ સર્વિસ માટે અનસ્ટ્રક્ચર્ડ સપ્લીમેન્ટ્રી સર્વિસ ડેટે એટલે કે યુએસએસડી (Unstructured Supplementary Service Data) મેસેજ પર લાગતા ચાર્જને હટાવવાનો પ્રસ્તાવ આપ્યો છે. હાલ TRAIએ યુએસએસડી સેશન માટે કિંમત 50 પૈસા નક્કી કરી છે. પ્રત્યેક સેશન આઠ સ્ટેજમાં પુરા થઈ શકે છે. 

મહત્વનું છે કે યુએસએસડી મેસેજ મોબાઈલ ફોનના સ્ક્રીન પર જોવા મળે છે અને એસએમએસની જેમ આ ફોનમાં સ્ટોર નથી થતું. આ ટેકનીકનો વ્યાપક રીતે ઉપયોગ મોબાઈલ ફોન પર વાતચીત અથવા એસએમએસ બાદ પૈસા કપાવવા પર આપવામાં આવતા પોપઅપ મેસેજમાં આપવામાં આવે છે. 

ડિજિટલ પેમેન્ટ અને નાણાકિય સમાવેશને પ્રોત્સાહન આપવા માટે ભારતીય રિઝર્વ બેન્ક (RBI)ની તરફથી બનાવવામાં આવેલી એક હાઈ લેવલ કમિટિએ આ ભલામણ કરી છે. ડિપાર્ટમેન્ટ ઓફ ફાઈનાન્શિયલ સર્વિસ  (Department of Financial Services) પણ કમિટિની આ ભલામણથી સબમત છે. 

ટ્રાઈએ આ નિવેદનમાં જણાવ્યું છે કે ડેવલોપમેન્ટ ઓફ ફાઈનાન્શિયલ સર્વિસ માટે આ વિશે ડિપાર્ટમેન્ટ ઓફ ટેલીકમ્યુનિકેશને પાસે આગ્રહ કર્યા બાદ ટ્રાયે આ મામલાના અલગ અલગ પાસાઓનું વિશ્લેષણ કર્યું છે. ટ્રાઈનું માનવું છે કે યુએસએસડી યુઝરને હિતોની રક્ષા અને ડિજિટલ સર્વિસને વધારવા માટે યુએસએસડી ચાર્જને સુવિધાજનક બનાવવાની જરૂર છે. 

ટ્રાઈએ કહ્યું, "ઓથોરિટીએ યુએસએસડી આધારિત મોબાઈલ બેંકિંગ અને પેમેન્ટ સર્વિસ માટે દરેક યુએસએસડી સેશન દ્વારા ઝીરો ચાર્જનો પ્રસ્તાવ આપ્યો છે. તેમાં યુએસએસડી સાથે જોડાયેલી અન્ય વસ્તુઓને પહેલાની જેમ રાખવામાં આવી છે."