ન જોઈતા કોલ્સ અને મેસેજની મુશ્કેલીનો હવે અંત આવી શકે છે. ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI)એ ગુરુવારે પરેશાન કરનારા કોલ્સ અને સ્પામને લઈને નવા નિયમોની જાહેરાત કરી છે જે અંતર્ગત ટેલિમાર્કેટિંગ મેસેજ મોકલવા માટે યૂઝરની સંમતિ ફરજિયાત કરવામાં આવી છે.
રેગ્યુલેટરે ટેલિકોમ ઓપરેટર્સને એ પણ સુનિશ્વિત કરવા કહ્યું છે કે કોમર્શિયલ કોમ્યુનિકેશન માત્ર રજિસ્ટર્ડ સેન્ડર્સ દ્વારા જ થાય. ટ્રાઈએ કહ્યું કે ‘રેગ્યુલેશનમાં સંપૂર્ણ રીતે ફેરફાર જરૂરી થઈ ગયો હતો. નવા નિયમનો ઉદ્દેશ્ય યૂઝર્સને સ્પામથી થઈ રહેલી પરેશાનીને પ્રભાવી રીતે રોકવાનો છે.’
નવા નિયમો અંતર્ગત મેસેજ સેન્ડર્સ હેડર્સ (અલગ-અલગ રીતના મેસેજને અલગ કરનારા)ને રજિસ્ટ્રેશન અને સૌથી વધીને સબ્સસ્ક્રાઈબર્સની સંમતિને ફરજિયાત કરી દેવાઈ છે. TRAIએ કહ્યું કે ટેલી માર્કેટિંગ કંપનીઓ આ આધાર પર ગ્રાહકોની મંજૂરીનો દાવો કરે છે જે તેમણે ચોરી-છૂપીથી મેળવી હોય છે. નવા નિયમો અંતર્ગત એ વ્યવસ્થા હશે કે ગ્રાહકોની પોતાની મંજૂરી પર પૂરું નિયંત્રણ હશે. તેમની પાસે પહેલા અપાયેલી મંજૂરી પાછી લેવાનો પણ વિકલ્પ પણ હશે.
TRAIએ કહ્યું કે ‘નવા નિયમ સબ્સસ્ક્રાઈબર્સને સંમતિ પર પૂરું નિયંત્રણ આપે છે અને પહેલા અપાયેલી સંમતિને પાછી પણ લઈ શકે છે. સબ્સસ્ક્રાઈબર્સની સંમતિ રજિસ્ટ્રેશનથી વર્તમાન નિયમોનો દુરુપયોગ રોકાઈ શકે છે.’ નિયમોનું ઉલ્લંઘન પર દંડની જોગવાઈ કરવામાં આવી છે. ઉલ્લંઘનની શ્રેણી મુજબ 1 000થી લઈને 50 લાખ રૂપિયા સુધીનો દંડ ફટકારવામાં આવી શકે છે.