ટેલિકૉમ રેગ્યુલેટરી ઑથોરિટી ઑફ ઇન્ડિયા (TRAI) ની નવી ગાઇડલાઇન શુક્રવારથી લાગૂ થઇ ગઇ. લગભગ 83% લોકોએ DTH તથા કેબલ ગ્રાહકોએ પોતાની પસંદગીની ચેનલ અથવા તો પ્લાન પસંદ કરી દીધા છે. ત્યારે TRAI DTH સર્વિસ પ્રોવાઇડર્સને વધારે સમયનો પ્રી-પેડ પ્લાન જારી રાખવાની છૂટ આપી દીધી છે. TRAIના ચેરમેન અનુસાર નવા નિયમોનો ફાયદો ગ્રાહકોને મળશે. અત્યાર સુધી ગ્રાહકો DTH તથા કેબલ ઓપરેટરના અનુસાર ચેનલ જોઇ શકતા હતા પરંતુ નવી નીતિ આવતા જ કઇ ચેનલ જોવી છે અને કઇ નહી તેની આઝાદી મળશે. જેના કારણે ના જોનારી ચેનલના વધારે રૂપિયા નહીં આપવા પડે.
TRAIના ચેરમેને આગળ કહ્યુ કે ''ગ્રાહક ઇચ્છે તો હજુ પણ ચેનલ પસંદ કરી શકે છે અથવા તો રિચાર્જ કરાવતી વખતે પસંદ કરી શકે છે. જો અત્યારે ચેનલની પસંદગી કરવામાં આવે તો વધેલ રાશિનો ઉપયોગ થઇ જશે જો પછી પસંદગી કરવામાં આવશે તો નવા હિસાબથી રિચાર્જ થશે. નવા નિયમથી ગ્રાહક સર્વિસ પ્રોવાઇડર તથા ચેનલની વચ્ચે સંતુલન રહેશે કોઇ પણ પ્રકારનો વધારો ગ્રાહકોની નજરમાં આવશે. જે લોકો લાંબા સમય માટેનો પ્લાન પસંદ કરી રહ્યા છે તો તેણે જારી રાખવા અથવા તો તેમાં બદલાવ કરવાની છૂટ મળશે. DTH અને કેબલ ગ્રાહક 1 ફેબ્રુઆરી પછી પણ પસંદગીની ચેનલ તથા કોમ્બો પ્લાનની પસંદગી કરી શકશે આ નહી કરવા પર તેઓ માત્ર ફ્રી ટૂ એર ચેનલ જ જોઇ શકશે.''
બ્રોડકાસ્ટિંગ ક્ષેત્રમાં ટેલિકૉમ રેગ્યુલેટરી ઑથોરિટી ઑફ ઇન્ડિયા (TRAI)ના નવા નિયમોનો ખૂબ જ વિરોધ કરવામાં આવ્યો. જોકે DTH તથા કેબલ સર્વિસ પ્રોવાઇડરે કોર્ડની મદદ પણ માગી પરંતુ TRAI પોતાની નવી નીતિ લાગૂ કરવા માટે મક્કમ રહી. આ દરમિયાન તમામ પ્રકારની આશા વ્યકત કરવામાં આવી કે નવી નીતિથી રાશિમાં વધારો થશે. 1 ફેબ્રુઆરી પછી ચેનલ બ્લેકઆઉટ થઇ જશે પરંતુ આવું કંઇ ના થયુ અને 83% ગ્રાહકો એ પોતાની પસંદગીની ચેનલ પસંદ કરી દીધી.
TRAIએ DTH તથા કેબલ સર્વિસ પ્રોવાઇડર્સના યૂનિયનની સાથે ઘણી બેઠક કરી તેમણે વેબસાઇટ એપ તથા કોલ સેન્ટરની મદદથી ગ્રાહકોને પોતાની પસંદગીની ચેનલ પસંદ કરવા માટે પ્રેરિત કર્યા. પોતાની વેબસાઇટ પર પણ પેકની પસંદગી કરવાની સુવિધા આપવાનું કહ્યુ. 10 દિવસ પહેલા 50% ગ્રાહકોની સાથે જોડાયા પછી આકંડો 100% સુધી પહોંચાડવા માટે લાપરવાહી કરનારા લોકોને ચેતવણી આપવામાં આવી. આ દરમિયાન દિલ્હીથી લઇને કોલકાતા હાઇકોર્ટ સુધી TRAIની નવી નીતિના ફાયદાઓને સ્પષ્ટ કર્યા અને રોકની માંગને મંજૂર ના કરી.
આ રીતે બનાવવામાં આવી નીતિ:
TRAIએ પોતાની નવી વેસબાઇટ પર 42 ટેલિકાસ્ટર્સની કુલ 332 ચેનલની કિંમત સ્પષ્ટ કરી. 1 રૂપિયાથી લઇને 19 રૂપિયા સુધી ચેનલોની યાદી વેબસાઇટ પર છે. જો કોઇ આ કોમ્બો પેક અથવા તો ચેનલ નથી પસંદ કરતુ તો પ્રતિ મહિના 130 રૂપિયા આપવાના રહેશે જેમાં 100 ચેનલ્સ મળશે. જેમાં 65 ફ્રી ટૂર એર ચેનલ શામેલ હશે જેમાં દુરદર્શન 23 ચેનલ 3 સંગીત ચેનલ 3 મ્યૂઝિક ચેનલ અને 3 ફિલ્મની ચેનલ હશે. આ સિવાયની આગામી 25 ચેનલ લેવા માટે ગ્રાહકોને 20 રૂપિયા વધારે આપવા પડશે. દેશના 16.6 કરોડ ઘરમાં કેબલ ટીવી તથા DTH છે.