જો તમારી વર્તમાન મોબાઇલ કંપનીથી પરેશાન છો અને તમારો નંબર કોઇ બીજી કંપનીમાં બદલવા ઇચ્છો છો તો તમારા માટે સારા સમાચાર છે. ટેલિકોમ રેગ્યુલેટર TRAIએ મોબાઇલ નંબર પોર્ટેબલિટીની સમગ્ર પ્રક્રિયા સરળ બનાવી દીધી છે.
ટેલિકોમ રેગ્યુલેટરએ સર્વિસ એરિયાની અંદર નંબર બદલવા સાથે જોડાયેલી રિકવેસ્ટ માટે કામકાજ દિવસોની સમય મર્યાદા નક્કી કરાઇ છે. તો એક ટેલિકોમ સર્કલથી બીજા સર્કલમાં નંબર બદલવા સલંગ્ર રિક્વેસ્ટ માટે 4 દિવસનો સમય નક્કી કરાયો છે. આ ઉપરાંત જો ટેલિકોમ કંપનીઓ મોબાઇલ નંબર પોર્ટ કરાવવા અંગેની રિકવેસ્ટની ખોટી રીતે રિજેક્ટ કરે છે તો તેના પર 10000 રૂપિયા સુધીની પેનલ્ટી લાગશે.
TRAIએ કહ્યુ કે ''પોર્ટિંગ સાથે જોડાયેલી રિક્વેસ્ટ (કોર્પોરેટ કેટેગરીને છોડીને બાકી બધા મામલે)ને પૂરી કરવામાં ઝડપ લાવવા માટે ઈન્ટ્રા-લાઈસન્સ્ડ સર્વિસ નંબર માટે સમય મર્યાદા 2 કામકાજના દિવસ કરાયા છે.'' TRAIએ કહ્યુ કેસ આ સર્કલથી બીજા સર્કલવાળી પોર્ટ રિકવેસ્ટ માટે સમય મર્યાદા ઘટાડીને 4 દિવસ કરી દેવાઈ છે. પહેલા તે સમય મર્યાદા 15 દિવસ હતી.
આ ઉપરાંત યુનિક પોર્ટિંગ કોડની વેલિડિટીમાં પણ ફેરફાર કરાયો છે. પહેલાના 15 દિવસને બદલે હવે તે 4 દિવસ માટે માન્ય રહેશે. જોકે જમ્મુ-કાશ્મીર આસામ અને ઈશાન માટે યુનિક પોર્ટિંગ કોડ (યુપીસી)ની વેલિડિટીમા ફેરફાર નથી કરાયો તે પહેલાની જેમ જ 15 દિવસ રહેશે. ટેક્સ્ટ મેસેજ (SMS) દ્વારા પોર્ટિંગ રિક્વેસ્ટને પાછી લેવાની પ્રક્રિયા સરળ અને ઝડપી બનાવાઇ છે. કોર્પોરેટ પોર્ટિંગના મામલા માટે સિંગલ ઓથોરાઈઝેશન લેટરની વર્તમાન 50 નંબરની મર્યાદાને વધારીને 100 નંબર કરી દેવાઇ છે.