ગૂડ ન્યૂઝ / TRAI એ જારી કર્યો નવો નિયમ, જલ્દીથી સસ્તું થશે ટીવી જોવું

છેલ્લા કેટલાક સમયથી DTH સેક્ટરથી જોડાયેલી એવી માહિતી તમને સતત મળી રહી હશે જેમાં કહેવામાં આવી રહ્યું છે કે હવે ડીટીએચનું બિલ ઓછુ થઇ ગયું છે. TRAI નો નવો નિયમ લાગૂ થઇ ચૂક્યો છે અને લોકો ચેનલના હિસાબથી પૈસા આપી રહ્યા છે. જો કે એક તાજા રિપોર્ટ અનુસાપ ડીટીએચનું બિલ પહેલા કરતાં ઓછું થઇ શકે છે. 

એક ન્યૂઝ રિપોર્ટ અનુસાર ટેલીકૉમ એન્ડ બ્રૉડકાસ્ટિંહ રેગ્યૂલેટર એક કન્સ્લટેશન પેપર જારી કરવાની તૈયારીમાં છે. જેનો હેતુ કેબલ અને ડીટીએચ બિલને ગ્રાહકો માટે ઓછું કરવાનું છે. આટલું જ નહીં, એ વાત પણ માનવામાં આવી છે કે TRAI દ્વારા જારી કરવામાં આવેલી નવી પ્રાઇસિંગ પોલિસી પ્લાન હેઠળ યૂઝર્સ માટે અફોર્ડેબલ થઇ શકી નથી. 

ટ્રાયના એક અધિકારીએ જણાવ્યું છે કે, 'બ્રોડકાસ્ટિંગના ટેરિફને ઓછું કરવા માટે કન્સ્લટેશન પેપર પર કામ ચાલી રહ્યું છે, એના માટે અમારે જોવું પડશે કે કેવા પ્રકરાની મેકેનિઝ્મ અપનાવવું પડશે.'

તમને જણાવી દઇએ કે હાલ આ રિપોર્ટથી એ સ્પષ્ટ થઇ રહ્યું નથી કે કોઇ નવો નિયમ આવશે કે હાલના નિયમ કોઇ ફેરફાર કરવામાં આવશે. કેટલાક મોટા બ્રોડકાસ્ટર્સનું માનવું છે કે TRAIએ એમના ટેરિફમાં ફેરફાર કરવાનો અધિકાર નથી. 

ઉલ્લેખનીય છે કે નવા નિયમ બાદ કોઇ પણ ચેનલ 19 રૂપિયાથી વધારે ચાર્જ કરી શકે નહીં, જે બકેટનો પાર્ટ છે. નવા નિયમ બાદ કેટલાક યૂઝર્સનું કહેવું છે કે એમનું બિલ ઓછું થયું છે, જ્યારે કેટલાક ડીટીએચ ગ્રાહકનું કહેવું છે કે એનાથી કોઇ ફાયદો થયો નથી અને ટેરિફ વધારે વધી ગયો છે.