શું તમે જાણો છો કે હવે તમે તમારા આધાર કાર્ડ સાથે નોંધાયેલા તમામ મોબાઇલ ફોન નંબરો ચેક કરી શકો છો? તમે દૂરસંચાર વિભાગ (DoT)ની નવી વેબસાઇટ પરથી આ નંબરો ચેક કરી શકો છો.
આધાર કાર્ડ એક જરૂરી ડોક્યુમેન્ટ છે
આધાર વિના કોઈપણ મહત્ત્વપૂર્ણ કામ થઈ શકતું નથી
આધારકાર્ડ કેટલા નંબર સાથે લિંક છે આ રીતે જાણો
DoTએ હાલમાં એક પોર્ટલ ટેલિકોમ એનાલિટિક્સ ફોર ફ્રોડ મેનેજમેન્ટ એન્ડ કન્ઝ્યુમર પ્રોટેક્શન (TAFCOP) લોન્ચ કર્યું છે. આ પોર્ટલ દ્વારા યુઝર્સતેમના આધાર નંબર સાથે જોડાયેલા તમામ ફોન નંબર ચકાસી શકે છે. આ ખૂબ જ ઉપયોગી પોર્ટલ છે.
આધારથી લિંક સિમ કાર્ડની સંપૂર્ણ વિગતો
TAFCOP અનુસાર, આ વેબસાઈટ દ્વારા તમે સરળતાથી જાણી શકો છો કે તમારા આધાર કાર્ડ પર અત્યાર સુધીમાં કેટલા સિમ આપવામાં આવ્યા છે. જો તમારી જાણ વગર કોઈ પણ મોબાઈલ નંબર તમારા આધાર નંબર સાથે જોડાયેલો હોય તો તમે તેના વિશે ફરિયાદ પણ કરી શકો છો. આ સિવાય તમે તમારા જૂના અને અનયુઝ્ડનંબરને તમારા આધારથી સરળતાથી અલગ કરી શકો છો. તમને જણાવી દઈએ કે હાલમાં આ સેવા માત્ર આંધ્ર પ્રદેશ અને તેલંગાણાના યુઝર્સ માટે છે, પરંતુ ટૂંક સમયમાં જ તેને દેશભરના યુઝર્સ માટે ઉપલબ્ધ કરવામાં આવશે.
આ રીતે રજિસ્ટર્ડ ફોન નંબર ચેક કરો
તમારા આધાર સાથે જોડાયેલા મોબાઇલ સિમ વિશે જાણવા માટે તમારે પહેલાં https://tafcop.dgtelecom.gov.in/ પર જવું પડશે.
અહીં તમારે તમારો ફોન નંબર દાખલ કરવો પડશે.
આ પછી તમારે Request OTP બટન પર ક્લિક કરવાનું રહેશે.
આ પછી તમારે તમારા મોબાઇલ નંબર પર આવેલો OTP દાખલ કરવો પડશે.
ત્યારબાદ તમારા આધાર નંબર સાથે જોડાયેલા તમામ નંબરો વેબસાઈટ પર દેખાશે.
જ્યાંથી યુઝર્સ એ નંબરોની રિપોર્ટ અને બ્લોક કરી શકે છે. જે તેઓ ઉપયોગ નથી કરતા અથવા જેની હવે જરૂર નથી.
TAFCOP પોર્ટલમાં મળતી સુવિધાઓ
જે સબસ્ક્રાઈબર્સના નામે 9થી વધુ કનેક્શન છે તેમને એસએમએસ દ્વારા સૂચિત કરવામાં આવશે.
જે સબ્સ્ક્રાઇબર્સના નામે 9 થી વધુ કનેક્શન છે તેઓ જરૂરી કાર્યવાહી કરવા માટે પોર્ટલ લિંક પર ક્લિક કરી શકે છે.