બદલાવ / મોબાઇલ નંબર પોર્ટિબિલિટી હવે સસ્તી, માત્ર આટલા રૂપિયામાં નંબર કરાવો પોર્ટ

• TRAI એ મોબાઈલ નંબર પોર્ટેબિલિટી સસ્તી કરી
• મોબાઈલ નંબર પોર્ટેબિલિટીની કિંમત હવે 5.74 રૂપિયા 
• 30 સપ્ટેમ્બરથી લાગૂ થશે નવો નિયમ 

ટ્રાઇ  (TRAI)  એ મોબાઇલ નંબર પોર્ટબિલિટી (MNP) ની નવી કિંમત 5.74 રૂપિયા રાખી છે. તો  મોબાઇલ નંબર પોર્ટબિલિટી (MNP) ની નવી કિંમત 30 સપ્ટેમ્બરથી લાગૂ થશે. રિપોર્ટ્સ અનુસાર ,TRAI એ મોબાઇલ નંબર પોર્ટબિલિટીના નિયમોમાં બદલાવ કર્યા પછી નવી કિંમત નક્કી કરી છે. મોબાઇલ નંબર પોર્ટિબિલિટીની કિંમતમાં બદલાવને લઇને ટ્રાઇ  (TRAI)ના ચેરમેને કહ્યુ કે, 'MNPની કિંમત રીઇમ્બર્સમન્ટ પર આધારિત છે. MNP માટેની નવી કિંમત 30 સપ્ટેમ્બરથી લાગુ થશે.'

MNPના નિયમ:

TRAI ના નવા નિયમ મુજબ, એક જ સર્કલમાં નંબર પોર્ટ કરાવવા માટે માત્ર 2 દિવસનો સમય લાગશે. એક સર્કલથી અન્ય સર્કલમાં મોબાઈલ નંબર પોર્ટ કરાવવા માટે 4 દિવસનો સમય લાગશે, જે પહેલાં 7 દિવસનો હતો.

TRAI અનુસાર, યુઝર ઘણા કારણોસર નંબર પોર્ટ કરાવવાનો નિર્ણય કરતા હોય છે. ઘણી વખત કંપનીની સર્વિસ ખરાબ હોવાથી યુઝર અન્ય કંપનીમાં નંબર પોર્ટ કરાવે છે. તો કેટલીક વખત નોકરીમાં ટ્રાન્સફર અથવા અન્ય કારણોસર બીજા શહેરમાં શિફ્ટિંગ થવાથી યુઝર પોતાનો નંબર પોર્ટ કરાવતા હોય છે. 

ટેલિકોમ કંપનીને લાભ થશે:

દેશની તમામ કંપનીઓને નંબર પોર્ટેબિલિટી માટે એન્જસીઓને વિભિન્ન કિંમતોની સાથે ચૂકવણી કરવી પડે છે. MNP ની કિંમતોમાં બદલાવ કર્યા પછી ટેલિકોમ કંપનીને લાભ થાય છે.  તમને જણાવી દઇએ કે. ગ્રાહકો નંબર પોર્ટ કરાવવા માટે 19 રૂપિયાની ચૂકવણી કરે છે. આ સિવાય જિયો, એરેટલ, વોડાફોન અને BSNL જેવી કંપનીઓ વર્ષમાં 75 કરોડ રૂપિયા બચાવી શકે છે. 

મોબાઇલ ઑપરેટર્સને 10000 રૂપિયા સુધીનો દંડ પણ લાગી શકે છે:

નવા નિયમ મુજબ, પોર્ટિંગની અરજી ખોટા કારણોસર અમાન્ય કરવાથી TRAI મોબાઈલ ઓપરેટરને 10,000 રૂપિયા સુધીનો દંડ લગાવી શકે છે. નવા નિયમોમાં TRAIએ કોર્પોરેટ પોર્ટિંગને પણ સરળ બનાવ્યું છે. સિંગલ ઓથોરાઈઝ્ડ લેટરનો ઉપયોગ કરીને એક સાથે 100 મોબાઈલ નંબર પોર્ટ કરાવી શકાય છે. આ લિમિટ પહેલાં 50 મોબાઈલ નંબરની હતી.