Wednesday, June 26, 2019
સબસ્ક્રાઈબ કરો VTVGujarati ન્યુઝ Whatsapp

કેબલ-DTH યૂઝર્સને મોટી રાહત બીજા કનેક્શન પર રૂ.130નો ચાર્જ નહી આપવો પડે

કેબલ-DTH યૂઝર્સને મોટી રાહત  બીજા કનેક્શન પર રૂ.130નો ચાર્જ નહી આપવો પડે
1 ફેબ્રુઆરીથી DTH અને કેબલ ટીવી યુઝર્સ માટે ટેલિકોમ રેગ્યુલેટરી ઓથોરિટી ઓફ ઇન્ડિયા (TRAI)એ નવો નિયમ લાગૂ કર્યો છે. હવે ટીવી યુઝર્સને માત્ર તે જ ચેનલો માટે પેમેન્ટ કરવાનું રહેશે જેને તેઓ જોવા માંગે છે. આ સાથે જ શરત રાખવામાં આવી છે કે યુઝરે દર મહિને 130 રૂપિયાનો નેટવર્ક કેપેસિટી ચાર્જ ફરજિયાત રીતે અલગથી આપવાનો રહેશે. જે યુઝર્સે એક જ ઓપરેટર પાસેથી બે કનેક્શન લઇ રાખ્યા છે TRAIએ તેમને રાહત આપી છે.

- TRAIએ એક જાહેરાત કરીને કહ્યુ કે સર્વિસ પ્રોવાઇડર એક જ લોકેશન અથવા ઘરના અન્ય મલ્ટીપલ કનેક્શન પર ગ્રાહકોને છૂટ આપી શકે છે. તેમાં કોઈ પ્રકારની લિમિટ નથી. જોકે તે વિસ્તારમાં તે તમામ ગ્રાહકો માટે એકસરખી જ હોવી જોઈએ અને પ્રોવાઇડરને તેની જાણકારી પોતાની વેબસાઈટ પર પણ આપવાની રહેશે.

- નેટવર્ક કેપેસિટી ચાર્જ પર ગ્રાહકોને 18 % GST પણ લાગુ પડશે. આ રીતે ગ્રાહકોને મહિને ઓછામાં ઓછા 154 રૂપિયા આપવા પડશે. આટલામાં તેને 100 ફ્રી ટૂ એર એસડી ચેનલ ફ્રીમાં બતાવાશે. જેમાં 25 ચેનલ દૂરદર્શનની હશે. ગ્રાહક 534 ફ્રી ટૂ એર ચેનલોમાંથી કોઈ પણ 75 ચેનલ પસંદ કરી શકે છે.

- TRAIએ ક્લિયર કર્યું છે કે યુઝર પોતાની સુવિધા મુજબ પેક અથવા કોઈપણ સિંગલ ચેનલને સબસ્ક્રાઇબ કરી શકે છે. TRAI અનુસાર યુઝર એક મહિનો પૂરો થવા પર કોઈપણ ચેનલને સબસ્ક્રાઇબ અથવા ડિલીટ કરી શકે છે. આ સિવાય નવા નિયમ લાગૂ થતાં પહેલા જે યુઝર્સે કોઈ પેકને સબસ્ક્રાઇબ કરાવી રાખ્યું છે તેને વિના કોઈ અવરોધે તેની વેલિડિટી સુધી ઉપયોગમાં લઇ શકે છે. જો યુઝર નવા નિયમ પર શિફ્ટ થવા માંગે તો થઇ શકે છે. એવામાં તેના પૈસા એડજસ્ટ કરી દેવાશે.

- DTH અને કેબલ ટીવી યુઝર્સ માટે ટ્રાઈએ હેલ્પલાઇન જાહેર કરી છે. કોઈપણ પ્રકારની સમસ્યા થવા પર યુઝર 011 23237922 અને 011 23220209 પર ફોન કરીને મદદ માંગી શકે છે. આ સિવાય તેઓ dvbcs-2@trai.gov.in અથવા arvind@gov.in પર મેઈલ કરીને પણ પોતાની સમસ્યાનું સમાધાન કરી શકે છે.

જોવા જેવું વધુ જુઓ

બ્રેકિંગ ન્યૂઝ