ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI)એ કેબલ નેટવર્ક ગ્રાહકોને નવા વર્ષમાં ભેટ આપતા નવું ટેરિફ લિસ્ટ જાહેર કર્યું છે. જેમાં ગ્રાહકોને હવે 130 રૂપિયામાં 200 ચેનલ ફ્રી મળશે. આ પહેલા 130 રૂપિયામાં 100 ચેનલ ફ્રી મળતી હતી. આ વ્યવસ્થા 1 માર્ચ 2020થી લાગુ થશે.
આ સિવાય TRAIએ એક નવો ફેરફાર કર્યો છે, કે 12 રૂપિયા કરતા વધુ કિંમતવાળી ચેનલ બુકનો હિસ્સો નહીં હોય. કંપનીઓએ ટેરિફની જાણકારી 16 જાન્યુઆરીએ વેબસાઈટ પર મૂકવાની રહેશે. 30 જાન્યુઆરીએ ફરીથી તમામ ચેનલોના રેટ લિસ્ટ જાહેર કરવામાં આવશે.
તે ઉપરાંત TRAIએ ગ્રાહકો દ્વારા તમામ ‘ફ્રી ટૂ એર’ ચેનલો માટે આપવામાં આવતી માસિક ફીની મર્યાદા 160 રૂપિયા નક્કી કરી દીધી છે. હવે 160 રૂપિયામાં 500 ફ્રી ટૂ એર ચેનલ જોવા મળશે.
TRAIએ ગત વર્ષે નવી બ્રોડકાસ્ટ ટેરિફ સિસ્ટમ લાગુ કરી હતી. તેમાં દર્શકોને માત્ર તે ચેનલો માટે ચૂકવણી કરવી પડે છે જેને તેઓ જોવા માગે છે. અગાઉ બ્રોડકાસ્ટર્સ પેકેજમાં ચેનલ આપતા હતા, એટલે મનપસંદ ચેનલ જોવા માટે કેટલીક એવી ચેનલ માટે પણ પૈસા આપવા પડતા હતા જેને તમે જોવા નહોતા માગતા.
TRAIએ જ્યારે નવી બ્રોડકાસ્ટ સિસ્ટમ લાગુ કરી હતી, તો તેમાં દર્શકોને 100 ફ્રી ટૂ એર ચેનલ આપવામાં આવતી હતી. તેમાં 26 ચેનલ દૂરદર્શનની છે. તેના માટે તેમને ટેક્સ દૂર કરીને 130ની ચૂકવણી કરવાની હતી. તે ઉપરાંત તમારી પસંદની ચેનલ જોવા માટે નક્કી કરેલ રકમની ચૂકવણી કરી પડે છે. આ માટે તમામ મુખ્ય બ્રોડકાસ્ટર્સે પોતાના પેકેજની જાહેરાત કરી છે.