કેન્ટોન લેબોરેટરીઝ કંપનીમાં બોઈલર ફાટતા દુર્ઘટનામાં ચાર લોકોના મોત નિપજ્યા છે, તેને લઈને તંત્ર પણ દોડતું થઈ ગયું છે,
કેન્ટોન લેબોરેટરીઝ કંપનીમાં બોઈલર ફાટ્યું
બાઈલર ફાટતા કંપનીના અનેક કર્મચારી દાઝ્યા
પોલીસ અને ફાયર બ્રિગેડ ઘટના સ્થળે
વડોદરામાં વડસર બ્રિજ પાસે કંપનીમાં બાઈલર ફાટતા અનેક કર્મચારી દાઝ્યા, કેન્ટોન લેબોરેટરીઝ નામની કંપનીમાં બોઈલર ફાટ્યું. જ્યારે આ ઘટનામાં ચાર લોકોના મોત નિપજ્યા છે તેને લઈને તંત્ર પણ દોડતું થઈ ગયું છે, ઘટનાને લઈને આસપાસના લોકોમા પણ ભયનો માહોલ છવાઈ ગયો છે.
બાળકો સહિત 14 જેટલા દામદાર ઈજાગ્રસ્ત
વડોદરા શહેરમાં મકરપુરાની GIDCની કેન્ટોન લેબોરેટરીઝમાં બોઇલર ફાટતા પ્રચંડ બ્લાસ્ટ થયો. જેમાં બાળકો સહિત 14 જેટલા દામદાર ઈજાગ્રસ્ત થયા છે જ્યારે આ ઘટનામાં 4 લોકોનો મોત નિપજ્યા છે, બાઈટલ ફાટતા જ આગ ફાટી નીકળી હતી. જેમાં બોઇલરની નીચે દબાઇ જતા બે કામદારના મોત થયા હતા જ્યારે બાળકો સહિત 14 જેટલા કામદારો આગમાં દાઝ્યા હતા. બ્લાસ્ટને પગલે કંપનીમાં દોડધામ મચી ગઇ હતી. ઇજાગ્રસ્તોને લઇ જવા એમ્બ્યુલન્સ સમયસર નહીં પહોંચતા કામદારો સહિત બાળકો જમીન પર પડી રહ્યા હતા. ઘટનાની જાણ થતાં જ ફાયર બ્રિગેડની ટીમ ઘટના સ્થળે દોડી ગઇ હતી અને આગ પર કાબૂ મેળવ્યો હતો. બોઇલર નીચે કામદારો દબાયેલા હોવાની આશંકાને પગલે ફાયર બ્રિગેડે રેસ્ક્યૂ ઓપરેશન હાથ ધર્યું છે હાલ ફાયરબ્રિગેડ દ્વારા કુલિંગ અને બચાવ કામગીરી ચાલી રહી છે.
બોઇલર ફાટતા વસાહતમાં રહેતા લોકો ઈજાગ્રસ્ત
કેન્ટોન લેબોરેટરીઝ કંપની પરિસરમાં કામદારોના રહેવા માટે વસાહત બનાવવામાં આવી હતી. તેના બિલકુલ નજીકમાં જ બોઇલર ફાટતા વસાહતમાં રહેતા લોકો ઈજાગ્રસ્ત થયા હતા. આ દુર્ઘટનામાં કામદારો સહિત નાના બાળકો અને અનેક પરિવારના લોકો પણ ગંભીર રીતે ઇજાગ્રસ્ત થયા હતા. વિસ્ફોટ એટલો પ્રચંડ હતો કે, આસપાસના ઉદ્યોગો હચમચી ઉઠ્યા હતા અને અનેક કિલોમીટર સુધી બ્લાસ્ટનો અવાજ સંભળાયો હતો. કંપનીની બાજુમાં આવેલા ઘરની દીવાલો પણ તૂટી ગઇ હતી. પોલીસ અને 108 એમ્બ્યુલન્સ પણ સ્થળ પર પહોંચી હતી અને ઇજાગ્રસ્તોને સારવાર અર્થે હોસ્પિટલમાં ખસેડવામાં આવ્યા હતા.
દુર્ઘટનામાં ત્રણ લોકોના મોત નિપજ્યા
સમગ્ર ઘટના અંગે સંચાલકોનું મૌન સેવી રહ્યા છે જ્યારે બોઈલર ફાટવાની ઘનામાં ચાર લોકોના મોત નિપજ્યા છે જ્યારે 8 લોકો ઈજાગ્રસ્ત થયા છે, ઘટનાને પગલે સ્થાનિક અધિકારીઓ પણ ઘટના સ્થળે દોડી આવ્યા છે, ઘટનાની જાણ થતા જ મામલતદાર પણ ઘટના સ્થળે આવી પહોંચ્યા છે, મામલતદારે જણાવ્યું કે બાઈલરની બાજુમાં ઓરડીઓ બનાવી કામદાર રહેતા હતા, રેસિડેન્સ ગેરકાયદેસર હતા કે નહીં તે મામલે હાલ તપાસ શરૂ કરવામાં આવી છે, જો ગેરકાયદેસર હશે તો કાર્યવાહી થશે તેવું મામલતદારે જણાવ્યું છે.
કેન્ટોન લેબોરેટરીઝ નામની કંપનીમાં અકસ્માત
વડોદરામાં વડસર બ્રિજ કંપનીમાં બોઈલર ફાટ્યું હોવાની ઘટના સામે આવી છે. કેન્ટોન લેબોરેટરીઝ નામની કંપનીમાં બાઈલર ફાટતા અનેક કર્મચારી દાઝ્યા છે, ઘટનાને પગલે પોલીસ અને ફાયરબ્રિગેડનો કાફલો ઘટના સ્થળે દોડી આવ્યો છે તેમજ ઈજાગ્રસ્તને તાત્કાલિક સારવાર અર્થે ખસેડાયા છે. બોઈલર ફાટવાની ઘટનામાં હજું સુધી કોઈ જાનહાનિના સમાચાર સામે આવ્યા નથી. અકસ્માતની આ ઘટનામાં જે લોકો ઈજાગ્રસ્ત થયા છે અને દાઝ્યા છે તેમને 108 દ્વારા હોસ્પિટલ ખસેડવામાં આવ્યા છે.
બાઈલર ફાટતા અનેક કર્મચારી દાઝ્યા
અવાર નવાર કંપનીઓમાં દુઘર્ટનાઓ સર્જાતી હોય છે ત્યારે કેન્ટોન લેબોરેટરીઝ નામની કંપનીમાં બોઈલર ફાટવાની ઘટના સામે આવી છે જેને લઈને કંપનીના સંચાલકો સામે અનેક સવાલ ઉઠી રહ્યા છે, હાલ તો પોલીસે સમગ્ર મામલે તપાસ હાથ ધરી છે.