કરૂણાંતિકા / રાજકોટ-જામનગર હાઈવે પર ગમખ્વાર અકસ્માત, બાઈક રેસ બની મોતનું કારણ, ઘટના સ્થળેજ 2 યુવાનોના કમકમાટીભર્યા મોત

• બાઈક રેસ બની જીંદગીની અંતિમ રેસ 
• ગમખ્વાર અકસ્માતમાં 2 યુવકોના કરૂણ મોત 
• ગંભીર રીતે ઈજાગ્રસ્ત થયેલા યુવકને હોસ્પિટલ ખસેડાયો 

રાજકોટ જામનગર હાઈવે પર એક ગમખ્વાર અકસ્માત સર્જાયો છે. જે અકસ્માતમાં 2 યુવકના કરૂણ મોત થયા હોવાનું સામે આવ્યું છે. ત્રણ યુવકો બાઈક પર ચીલ ઝડપે સવારી કરી રહ્યા હતા તે સમયે બાઈડ ડિવાઈડર સાથે ધડાકાભેર અથડાયું જેના કારણે આ અકસ્માત સર્જાયો હોવાનું સામે આવ્યું છે. 

2 યુવકોના કરૂણ મોત 

આ ભયંકર અકસ્માતમાં 2 લોકોના મોત થયા છે. જ્યારે અન્ય એક યુવક ગંભીર રીતે ઘાયલ થયો હતો જેથી તેને સારવાર અર્થે હોસ્પિટલ ખસેડવામાં આવ્યો છે. આ અકસ્માતમાં અન્ય એક સ્કુટર પર સવાર યુવક પણ ગંભીર રીતે ઈજાગ્રસ્ત થયો જેથી તેને પણ સારવાર અર્થે હોસ્પિટલ ખસેડાયો છે. 

મોવિયા સર્કલ પાસે સર્જાયો અકસ્માત 

એવી માહિતી સામે આવી છે કે રાજકોટ જામનગર હાઈવે પર ચાર થી પાંચ બાઈક સવારોએ રેસ લગાવી હતી. તેજ સમયે આ અકસ્માત સર્જાયો હતો. અકસ્માત એટલો ભયંકર હતો કે ધટનાસ્થળેજ બે યુવકોના મોત થયા હતા. શહેરના જામનગર રોડ આવેલ મોવિયા સર્કલ પાસે આ અકસ્માત સર્જાયો જેમા ડિવાઈડર સાથે વાહન અથડાવાને કારણે આ અકસ્માત થયો હતો. 

રેસ લગાવતા યુવક માટે લાલબત્તી સમાન કિસ્સો 

ઉલ્લેખનીય છે કે રેસ લગાવાના ચક્કરમાં યુવકોએ અન્ય વાહન ચાલકોનો જીવ પણ જોખમમાં મુક્યો હતો. લોકો તેમનું વાહન ઉભુ રાખીને યુવકોને આગળ જતા કરતા હોવાનું સામે આવ્યું છે. પરંતુ આ રેસ જીંદગીની આખરી રેસ અને મોતની રેસ બનીને સામે આવી છે. જેથી હાઈવે પર જે પણ યુવકો રેસ લગાવતા હોય છે તેમના માટે આ કિસ્સો લાલ બત્તી સમાન કહી શકાય