બેદરકારી / સુરતમાં 16 વર્ષની દીકરીનું ગેરકાયદેસર ગર્ભપાત બાદ કરૂણ નિધન, પ્રેમી યુવક જ નહીં બેન-બનેવીને લઈને પણ મોટો ખુલાસો

• સુરતમાં સગીરાને પ્રેમ જાળમાં ફસાવ્યા બાદ ગર્ભવતી બનાવી
• સગીરાના બહેન-બનેવીએ સગીરાનો ગર્ભપાત કરાવ્યો
• સગીરાના ગર્ભપાત બાદ સગીરાનું મોત

 સુરતમાં સચિન વિસ્તારમાં રહેતી 16 વર્ષીય સગીરા પ્રેમ સબંધમાં ગર્ભવતી થઈ જતા બહેન-બનેવી દ્વારા તેને ગર્ભપાત કરાવ્યા બાદ અચાનક યુવતિની તબીયત લથડતા તેને સારવાર અર્થે લઈ જવામાં આવી હતી. જ્યાં સારવાર દરમ્યાન તેનું મોત નિપજ્યું હતું.

મળતી માહિતી મુજબ સુરતમાં સચિન જીઆઈડી વિસ્તારમાં બહેન-બનેવીને ત્યાં રહેતી સગીરાને અન્ય યુવક સાથે પ્રેમ સબંધ બંધાયા બાદ યુવતિ ગર્ભવતી થઈ જવા પામી હતી. ત્યારે આ અંગેની જાણ યુવતિના બહેન-બનેવીને થતા તેઓ યુવતિને ગર્ભપાત માટે ઉધના વિસ્તારમાં આવેલી શ્રીજી હોસ્પિટલ ખાતે લઈ ગયા હતા. જ્યાં ગર્ભપાત બાદ યુવતિને ઘરે લાવવામાં આવી હતી. જ્યાં તેની તબીયત વધુ લથડતા તેને સારવાર અર્થે ફરી હોસ્પિટલ લઈ જવામાં આવી હતી. જ્યાં સારવાર દરમ્યાન યુવતિનું મોત નિપજ્યું હતું. ત્યારે આ સમગ્ર બનાવની જાણ પોલીસને કરતા પોલીસે બહેન-બનેવી તેમજ અજાણ્યા યુવક વિરૂધ્ધ ગુનો નોંધી તપાસ હાથ ધરી છે.

હોમિયેપેથીક ર્ડાક્ટરની સામે ગુનો નોંધાયો
ઉધના વિસ્તારમાં ર્ડાક્ટર હિરેન પટેલનું હોમિયોપેથીક દવાખાનું આવેલું છે. ત્યારે  ર્ડા.હિરેન પટેલ દ્વારા ચલાવવામાં આવતા ગર્ભપાતના ગેરકાયદેસર વેપલાનો ભાંડો ફુટી જવા પામ્યો હતો. ત્યારે પોલીસ દ્વારા ર્ડાક્ટર હિરેન પટેલ સામે પણ ગુનો નોંધી કાયદેસરની કાર્યવાહિ હાથ ધરી છે.