અરેરાટી / આંધ્રપ્રદેશમાં મોટી દુર્ઘટના, હાઇ ટેન્શન પોલની ઝપેટમાં ટ્રેક્ટર આવી જતાં 9 શ્રમિકોના કમકમાટીભર્યા મોત

• આંધ્ર પ્રદેશમાં મોટી દુર્ઘટના
• ટ્રેક્ટર વીજ પોલને અડી જતાં 9 શ્રમિકોના મોત

ઉલ્લેખનીય છે કે, આ ઘટનામાં કેટલાક લોકો ઘાયલ થયાં હતા તેમને તાત્કાલિક અસરથી નજીકના દવાખાને સારવારઅર્થે ખસેડવામાં આવ્યા હતા. આ બનાવ અંગેની જાણ થતાં જ પોલીસ કાફલો તથાં આસપાસના વિસ્તારમાં રહેતા લોકો દોડી આવ્યા હતા. 

રાજ્યપાલે શોક વ્યક્ત કર્યો 

આંધ્રપ્રદેશના રાજ્યપાલે આ અકસ્માત અંગે શોક વ્યક્ત કર્યો છે. રાજ્યપાલ બિસ્વભૂષણ હરિચંદનને જાણ કરવામાં આવી હતી કે, જિલ્લા વહીવટીતંત્રે ઈજાગ્રસ્ત લોકોને હોસ્પિટલમાં દાખલ કર્યા છે, જ્યાં તેઓની સારવાર કરવામાં આવી રહી છે. રાજ્યપાલે શોકગ્રસ્ત પરિવારોના સભ્યો પ્રત્યે હાર્દિક શોક વ્યક્ત કર્યો હતો.

પહેલા પણ બની છે કેટલીય દુર્ઘટનાઓ

આપને જણાવી દઈએ કે અગાઉ ત્રણ જુદા જુદા અકસ્માતોમાં ઘણા મજૂરોનાં મોત નીપજ્યાં હતાં. મધ્યપ્રદેશના ગુણામાં 60 થી વધુ મજૂરોની બસનો બુધવારે મોડી રાત્રે અકસ્માત થયો હતો. આ અકસ્માતમાં 8 શ્રમિકોનાં મોત નીપજ્યાં હતાં. આ તરફ, એક બસે ઉત્તર પ્રદેશમાં શ્રમિકો પર ફરી વળી હતી. જેમાં 6 લોકોનાં મોત નીપજ્યાં છે. બિહારમાં અકસ્માતમાં બે મજૂરોનું પણ મોત નીપજ્યું છે.