રાજસ્થાનના હનુમાનગઢ- જયપુર હાઈવે પર એક ગમખ્વાર અકસ્માત સર્જાયો જેમા ટ્રેલર અને કાર ધડાકાભેર અથડાયા. જેમા કારમાં સવાર ચાર યુવકોના ઘટના સ્થળેજ મોત નિપજ્યા
હનુમાનગઢ-જયપુર હાઈવે પર ગમખ્વાર અકસ્માત
કાર અને ટ્રક ધડાકાભેર અથડાતા સર્જાયો અકસ્માત
અકસ્માતમાં 4 યુવકોના ઘટના સ્થળે મોત
રાજસ્થાનના રાવતસર જિલ્લામાં આવેલ હનુમાનગઢ-જયપુર હાઈવે પર આજે સવારે ટ્રેલર અને કાર આમને સામને ભટકાયા. આ અકસ્માત એટલો ગંભીર હતો કે કારમાં સવાર ચાર યુવકોના કમકમાટી ભર્યા મોત નિપજ્યા છે. ચાર મૃતકો પૈકી ત્રણ ભાઈ હતા તેવી માહિતી સામે આવી છે. જ્યારે અન્ય એક વ્યક્તિ તેમનો મિત્ર હતો અને તેમની કોલોનીમાંજ રહેતો હતો.
ડ્રાઈવીંગ શિખવા નિકળ્યા હતા યુવકો
મૃતક યુવકોના નામ નીરજ, હેમંત, રૂદ્રાક્ષ અને રજત હોવાનું સામે આવ્યું છે. હેમંત અને નિરજ 11માં ધોરણમાં અભ્યાસ કરતા હતા. તેવી માહિતી સામે આવી છે. જ્યારે રૂદ્રાક્ષ 12માં ભણતો હતો. સવારના 5 વાગ્યે નીરજ હેમંતને લઈને ડ્રાઈવીંગ શિખવાડવા કાર લઈને નિકળ્યો હતો. જેમાં હેમંત અને રજતને પણ જોડે લઈને ગયા હતા.
અકસ્માત બાદ ટ્રક ચાલક ફરાર
ચારેય યુવકો હાઈવે પર ગાડી લઈને નિકળી પડ્યા હતા. એક કલાક પછી જ્યારે તેઓ કાર લઈને પરત ઘરે આવી રહ્યા હતા. તે સમયે હનુમાનગઢ-જયપુર હાઈવે પર ટ્રક અને કાર આમને સામને અથડાયા. ઘટનાને કારણે ટ્રક ચાલક ત્યાજ તેની ટ્રક છોડીને ફરાર થઈ ગયો.
હોસ્પિટલમાં ડૉક્ટરોએ યુવકોને મૃત જાહેર કર્યા
ઉલ્લેખનીય છે કે ટ્રક અને કાર એટલા જોરથી ધડાકાભેર અથડાયા હતા કે સ્થાનિકો પણ બહાર દોડી આવ્યા હતા. સ્થાનિકો પોલીસને બોલાવ્યા બાદ પોલીસે અને સ્થાનિકોએ ચારેય યુવકોને બહાર કાઢ્યા જ્યાથી તેમને હોસ્પિટલમાં ખેસડવામાં આવ્યા. પરંતુ હોસ્પિટલ પહોચતા ડૉક્ટરોએ તેમને મૃત જાહેર કર્યા હતા.