બોલિવુડ / બુલેટ લઈને રસ્તા પર રૌફ જમાવતો વરુણ ધવન બરાબરનો ફસાયો, UP પોલીસે કરી કડક કાર્યવાહી

• હેલ્મેટ વગર બાઈક ચલાવતો હતો વરુણ ધવન 
• કાનપુરની ઘટના 
• બે ચલણ કાપવામાં આવ્યા અને ત્રીજું કપાવાની તૈયારી 

બોલિવુડ એક્ટર વરુણ ધવનને કાનપુરનાં રસ્તાઓ પર હેલ્મેટ વગર બાઈક ચલાવવું ભારે પડ્યું. હેલ્મેટ વિના બાઇક ચલાવવાના વાયરલ વિડિયોની નોંધ લેતા, ટ્રાફિક પોલીસે એમવી એક્ટ હેઠળ બે અલગ-અલગ ચલણ જાહેર કર્યા છે. ત્રીજા ચલણની તૈયારી છે. એટલું જ નહી, એક્ટરે જે બાઈક ચલાવ્યું, તેના પર નંબર કોઈ બીજા બાઈકનો લગાવાયો હતો. તેમને હવે નોટિસ મોકલવાની તૈયારી છે. આવામાં વરુણ ધવનની તકલીફો વધી શકે છે. 

બે વાર કર્યું નિયમોનું ઉલ્લંઘન 
એક્ટર વરુણ ધવન કાનપુરમાં ફિલ્મનું શુટિંગ કરી રહ્યા હતા. તેમણે 65 મિનિટની અંદર બે વાર ટ્રાફિક નિયમોનું ઉલ્લંઘન કર્યું છે. વરુણ ધવને પી રોડ બજારનાં રસ્તાઓ પર બાઈક ચલાવ્યું, ગુરુવારે ફિલ્મનું શુટિંગ કરવામાં આવ્યું હતું અને આ દરમિયાન તેમણે હેલ્મેટ પહેર્યું ન હતું. એટલું જ નહી, શુટિંગ દરમિયાન જે બાઈકનો ઉપયોગ કરવામાં આવ્યો હતો, તેના પર નકલી નંબર પ્લેટ લાગેલી હતી. 

વરુણ ધવનની વધી તકલીફો 
હેલ્મેટ વગર બાઈક ચલાવતા વરુણ ધવનનો ફોટો અને વીડિયો સોશિયલ મીડિયા પર વાયરલ થઇ ગયો, હેલ્મેટ પહેર્યા વગર બાઈક ચલાવવાના મામલામાં ટ્રાફિક પોલીસે ચલણ કાપ્યું. જ્યારે, નકલી નંબર પ્લેટના મામલામાં હજુ કોઈ કાર્યવાહી કરવામાં આવી નથી. રિપોર્ટ્સ અનુસાર, પોલીસ વરુણ ધવનને નોટિસ મોકલવાની તૈયારી કરી રહી છે. 

ડીસીપીએ કહ્યું કે નિયમ બધા માટે એકસરખા છે 
આ મામલામાં ડીસીપી ટ્રાફિક સંકલ્પ શર્માએ કહ્યું કે ટ્રાફિક નિયમો બધા માટે એક સરખા જ હોય છે. શુટિંગ દરમિયાનની વાયરલ તસવીરો અને વીડિયોની તપાસથી જાણ થઇ કે આ ઘટના સાચી છે. જેના પર ફિલ્મ અભિનેતાની બાઇકનું ચલણ કાપવામાં આવ્યું હતું. અમે આયોજકોને નોટિસ મોકલીને જવાબ લઈશું, જેથી ભવિષ્યમાં આવા કિસ્સાઓ ફરી ન બને. તેમણે કહ્યું કે ટ્રાફિક પોલીસ વરુણ ધવનના ડીએલની પણ તપાસ કરશે. જો ફિલ્મ શૂટિંગ આયોજક DL બતાવવામાં અસમર્થ હોય, તો બીજું ચલણ કરવામાં આવશે.