ટ્રાફિક પોલીસે 600 જેટલા લોકોને ટ્રાફિકના નિયમોનો ભંગ કરતા પકડ્યા હતા, તેમ છતાં તેમના ચલણ કાપવામાં આવ્યા ન હતા. અને તે લોકોને 3 કલાકનાં ટ્રાફિક નિયમો વિશેની ફિલ્મ બતાવી
ટ્રાફિકના નિયમોનો ભંગ કરનારાઓને પકડીને 3 કલાકની ફિલ્મ બતાવી
ચલણ આપવાના બદલે ટ્રાફિક વિશે જાગરૂકતા ફેલાવી
લોકોએ ખુબ સારો પ્રતિભાવ આપ્યો
ટ્રાફિક ભંગ કરવા પર ૩ કલાકની ફિલ્મ બતાવી
યુપીના મુરાદાબાદ જીલ્લાના પોલીસે ટ્રાફિક નિયમોનું ઉલ્લંઘન કરનારા લોકોને સુધારવા માટે એક નવી પહેલ શરૂ કરી છે. આ અંતર્ગત મુરાદાબાદ પોલીસ ટ્રાફિકના નિયમોનો ભંગ કરનારાઓને પકડીને 3 કલાકની ફિલ્મ બતાવશે. આ મૂવીમાં ટ્રાફિકના નિયમોનું પાલન કરવા અંગે સલાહ, સૂચનાઓ અને ટ્રાફિક નિયમોનું ઉલ્લંઘન કરનારાઓના અકસ્માત સબંધિત દ્રશ્યો છે.
દંડનાં બદલે નિયમોથી જાગૃત કરાવ્યા
શનિવારે ટ્રાફિક પોલીસે હેલ્મેટ વગર વાહન ચલાવતા લોકોના તેમજ ટ્રાફિકના નિયમોનું પાલન ન કરનારાના ચલણ કાપ્યા ન હતા કે તેમને પોસ્ટપેઇડ કે પ્રિપેઇડ દંડ પણ વસુલવામાં આવ્યો ન હતો, પરંતુ પોલીસ લાઇન કોન્ફરન્સ હોલમાં બેસીને તેમને મોટા પડદા પર પર ટ્રાફિકના નિયમોથી જાગૃત કરતી ફિલ્મ દેખાડી હતી. માહિતી અનુસાર, જે વાહનચાલકો હેલ્મેટ ન પહેર્યું હોય તેના ચલણ કાપવાને બદલે, ટ્રાફિક પોલીસ તેમને તેમના કોન્ફરન્સ હોલમાં લઈ ગઈ હતી. તેઓએ પ્રોજેક્ટર પર ટ્રાફિકના નિયમોનું પાલન કરવા વિશેની ફિલ્મ બતાવી હતી અને તેમને ટ્રાફિક નિયમોનું પાલન કરવાની માહિતી આપી હતી.
600 થી વધુ લોકોને ફિલ્મ બતાવી
એસપી ટ્રાફિક અશોક કુમારે જણાવ્યું હતું કે વિશેષ અભિયાન ચલાવી ટ્રાફિક નિયમ તોડનારાઓને સ્ક્રીન પર નિયમોથી જાગૃત કરાવ્યા. 600થી વધુ લોકોનું ચલણ કાપ્યું ન હતું પરંતુ તેમને ફિલ્મ બતાવીને જાગૃત કરવામાં આવ્યા હતા.
લોકોએ કહ્યું અમે ત્યાં શું કામ આવીએ
એસપીએ જણાવ્યું હતું કે આવા કાર્યક્રમથી સારા પરિણામ મળવાની અપેક્ષા છે. જો કે શરૂઆતમાં લોકો કોન્ફરન્સ હોલમાં આવવા માટે અચકાતા હતા, પરંતુ બાદમાં બધાએ કહ્યું કે તેઓ હંમેશા ટ્રાફિકના નિયમોનું પાલન કરશે, કારણ કે 'જાન હૈ તો જહાન હૈ'. એસપીએ કહ્યું કે 4E એ ટ્રાફિક અને શિક્ષણમાં એક વિશાળ આધારસ્તંભ છે.અને તેમને જાગૃત કરવું ખૂબ જ મહત્વપૂર્ણ છે. તેમણે કહ્યું હતું કે, જેટલા વધુ લોકોને જાગૃત કરીશું, તેટલા જ સારા ફીડબેક આપણે જોઈશું. લોકો એ ખુબ વખાણ્યું. પહેલા લોકોને અહીં લાવવામાં આવ્યા હતા, તેમનામાં વિરોધાભાસ હતો, અમે શું કામ જઈએ, તમે અમને ચલણ આપી દો, પરંતુ ગરમીના વાતાવરણમાં જ્યારે તેમને વીડિયો દ્વારા આ બધું જોવા મળ્યું, ત્યારે તેઓ ખૂબ જ ઉત્સાહિત થઈ ગયા, આ પ્રકારનો પ્રયાસ ચાલુ રહેશે.