ભાવનગર શહેરમાં મહાનગરપાલિકા દ્વારા સરકારે આપેલી ગ્રાન્ટમાંથી 4 કરોડના ખર્ચે મલ્ટી લેવલ પાર્કિંગ બનાવામાં આવ્યું છે. જો કે તેમ છતાં શહેરના વેપારીઓ આ પાર્કિંગથી નારાજ થયા છે અને જાહેરનામું રદ્દ કરવા માગ કરી છે.
4 કરોડના ખર્ચે બનાવેલા પાર્કિંગથી વેપારીઓ નારાજ
વેપારીઓએ જાહેરનામું રદ્દ કરવા માંગ કરી
મહાનગરપાલિકાના નિર્ણય સામે વેપારીઓ રોષ ઠાલવ્યો
4 કરોડના ખર્ચે બનાવાયું મલ્ટીલેવલ પાર્કિંગ
ભાવનગર મહાનગરપાલિકાને સરકારે ફાળવેલી ગ્રાન્ટ માંથી 4 કરોડના ખર્ચે મલ્ટીલેવલ પાર્કિંગ બનાવવામાં આવ્યું છે. જેના કારણે શહેરી વિસ્તારમાં માથાના દુખાવા સમાન બનેલ ટ્રાફિક સમસ્યા હલ થશે. શહેરમાં વધતા વાહનનો કારણે આડેધડ પાર્કિંગ કરવામાં આવતા ટ્રાફિકને લઇને સમસ્યાઓ જોવા મળતી હતી.
મહાનગરપાલિકાના બનાવેલા પાર્કિંગથી વેપારીઓ નારાજ
જો કે મહાનગરપાલિકાના બનાવેલા પાર્કિંગથી સ્થાનિક વેપારીઓ આ સુવિધાથી નારાજ થયા છે. જાણે કે તેમના માટે ટ્રાફિક એ જ ગ્રાહક હોઈ તેમ માની રહયાં છે. વેપારીઓ દ્વારા આગામી દિવસોમાં ટ્રાફિક નિયમનનું જાહેરનામું રદ કરવા માંગ કરી રહયા છે.
મહાનગરપાલિકા દ્વારા પાર્કિંગને લઇને જાહેરનામું બહાર પડાયું
ભાવનગર શહેરમાં પાર્કિંગ ઝોનનું જાહેરનામું બહાર પાડવામાં આવ્યું. જેમાં ઊંડી વખાર, મોતીબાગ, સુધી વાહન પાર્ક નહી કરવા તંત્ર દ્વારા જણાવવામાં આવ્યું છે. જો કે આ જાહેરનામાને વેપારઆઓએ તાનાશાહી નિર્ણય ગણાવ્યો છે અને તેના સામે રોષે ઠાલવ્યો છે. વેપારીઓએ જણાવ્યું કે આ પ્રકારના નિર્ણયથી ભાવનગરની ગામતળમાં આવેલ માર્કેટમાં ગ્રાહકો આવી શકશે નહીં.